धादिङ । सरकारले आगामी आर्थिक वर्ष २०७४/०७५ को स्थानीय तहकालागि बजेट विनियोजन गरेको गरेको छ । धादिङ जिल्लाका २ नगर सहित १३ वटा स्थानीय तहलाई एकमुष्ट ३ अर्व ४४ करोड ७५ लाख ७७ हजार बजेट विनियोजन गरेको छ । सोही बजेटबाटै नगरपालिकालाई ७८ करोड ६३ लाख ३४ हजार र गाउँपालिकालाई २ अर्व ६६ करोड ३९ लाख ४३ हजार विनियोजन गरेको छ । यसरी विनियोति बजेटबाट सबै तहलाई छुट्टाछुट्टै वर्गिकरण गरिएको छ ।
स्थानीय र प्रदेश तह को अन्तर सरकारी वित्तिय हस्तान्तरण शिर्षक अन्तरगत सबै भन्दा बढी बजेट निलकण्ठ नगरपालिकालाई छुट्याइएको छ । निलकण्ठलाई बजेट ५१ करोड ३८ लाख ५८ हजार छुट्याइएको छ । अर्को नगरपालिका धुनिबेसीलाई २६ करोड ९७ लाख ७६ हजार विनियोजन गरिएको छ ।
त्यस्तै गाउँपालिकाहरु मध्ये सबै भन्दा बढी थाक्रे गाउँपालिकालाई बजेट व्यवस्था गरिएको छ । थाक्रेलाई ३१ करोड २२ लाख ३५ हजार छुट्याइएको छ । थाक्रे जनसंख्या र भुगोलका आधारमा धादिङ जिल्लाकै सबैभन्दा ठुलो गाउँपालिका हो ।
त्यस्तै गजुरीलाई २७ करोड ९४ लाख ८७ हजार, त्रिपुरासुन्दरीलाई २७ करोड ८० लाख ०१ हजार, बेनिघाट रोराङलाई २७ करोड ५७ लाख ७६ हजार, गंगाजमुनालाई २६ करोड २० लाख २० हजार, ज्वालामुखीलाई २६ करोड १२ लाख ७० हजार, गल्छिलाई २५ करोड ३५ लाख ०२ हजार, सिद्धलेक २४ करोड ०९ लाख ७३ हजार, नेत्रावती १७ करोड ३७ लाख २५ हजार, खनियाबासलाई १६ करोड ९६ लाख ७३ हजार र रुवीभ्यालीलाई १५करोड ७२लाख ८१ हजार विनियोजन गरिएको छ ।
सबै थाहा पाउन यहाँ क्लिक गर्नुहोस
http://www.mof.gov.np/uploads/document/file/Redbook%20Local%202074-75_20170529015848.pdf
वि.सं.२०७४ जेठ १६ मंगलवार ०७:३९ मा प्रकाशित