बलिउड चलचित्र अभिनेता शाहरुख खान चलचित्र छायांकनका क्रममा छतबाट खसेर घाइते भएका छन् । चलचित्र छायांकनको क्रममा शाहरुख सहित अन्य दुई जना पनि छतबाट खसेर घाइते भएका छन । छतको एक पाटो भत्किए पछि उनीहरु तल खसेका हुन् ।
भारतीय सञ्चार माध्यमको खबर अनुसार उनीहरुलाई उपचारको लागि अस्पताल भर्ना गरिएको छ । आनन्द एल रायको चलचित्र छायांकनका क्रममा उनीहरु घाइते भएका हुन् ।
चलचित्रमा कटरिना कैफ र अनुष्का शर्माको पनि अभिनय रहने भनिए पनि उनीहरुको उपस्थित भने नरहेको जनाइएको छ ।
प्रकाशित मितिः २०७४ जेठ १८
वि.सं.२०७४ जेठ १८ बिहीवार १५:२२ मा प्रकाशित