काठमाडौ । आइतवार नेप्से परिसूचक १०.५ घटेर १,५९३.८१ बिन्दूमा कायम हुन पुगेको छ । आईतबार नेप्से परिसूचकसँगै अधिकांश समूहगत परिसूचकहरु घट्न पुगे ।
यसदिन क वर्गका कम्पनीहरुको सेन्सेटिभ परिसूचक पनि २.२७ ले घट्न पुग्यो । समूहगत परिसूचक तर्फ बीमा कम्पनीको परिसूचक सबैभन्दा उच्च बिन्दु ९५.०६ अंकको गिरावट देखिएको छ । त्यस्तै जलविद्युत समूहको परिसूचक ३०.६९ अंकको कमी आयो भने होटल्स समूहमा १५.५५ अंकले घटेको छ । त्यसैगरि बाणिज्य बैंक समूहमा ९.१९ अंकले गिरावट आएको छ भने उत्पादनमूलक क्षेत्रको परिसूचक १३.१ अंकले कमी हुनपुग्यो । विकास बैंक समूहको परिसूचक ७.६९ तथा वित्त कम्पनीको परिसूचक १.०९ अंकले घटेको छ ।
समूहगत परिसूचकमा अन्य समूहको परिसूचकमा मात्र ०.८६ अंकको वृद्धि भएको छ ।
साताको पहिलो दिन आईतबार १४१ कम्पनीको कुल ५५ करोड ६७ लाख ३६ हजार १ सय ६५ रुपैयाँको कारोबार भएको छ । आज बजारमा कुल ९ लाख ५० हजार ४ सय ७३ कित्ता शेयर करोबार भए ।
राष्ट्रिय राजनीतिमा दलहरुबिच सहमति नहुँदाको परिणाम आज शेयर बजारमा देखिएको छ । नयाँ सरकार गठनको प्रकृया शुरु नहुँदा र दलहरुबिच बेमेल हुँदा प्रभाव परेको सेयर बजारमा सोमबार पनि यसै होला भन्ने अवस्था नरहेको विष्लेषकहरु बताउँछन् ।
प्रकाशित मितिः २०७४ जेठ २१
वि.सं.२०७४ जेठ २१ आइतवार १६:४४ मा प्रकाशित