काठमाडौ। केहि समयदेखि निरन्तर ओरालो लागेको सेयर बजार परिसूचक नेप्सेमा सोमबार सुधार आएको छ । सोमबार नेप्से ८ दशमलव ८४ अंकले बढेको छ । सोमबार बजार खुलेदेखि नै उकालो लागेको बजार अन्तत १ हजार ६ सय २ दशमलव ६५ अंकमा पुगेको छ ।
सोमबार बजारमा फाइनान्स बाहेक सबै समुहका परिसुचक उकालो लागेका छन् । जसमा सबैभन्दा बढी उत्पादनमुलक समहुको परिसुचक २१ दशमलव ६९ अंकले उकालो लागेको छ । बजारको अधिकाँश हिस्शा कायम गर्ने बाणिज्य बैंक समूहको परिसुचक १० अंकले उकालो लागेसँगै समग्र नेप्से परिसुचक उकालो लागेको हो । यसैगरी बजारमा विकास बैंक समुहको परिसुचक पनि झण्डै १०.९ अंकले उकालो लागेको छ । बीमा समुहको परिसुचक पनि १५.१ अंकले बढेको छ । फाईनान्स समूहको परिसूचक भने ०.९५ अंकले घटेको छ ।
आइतबार ५५ करोड रुपैयाँ बराबरको सेयर खरिदबिक्री भएकोमा सोमबार ६२ करोड रुपैयाँभन्दा बढीको कारोवार भएको छ । दिनभर कुल १ सय ४९ कम्पनीको ६ हजार ३ सय ३६ कारोबारबाट १३ लाख ९१ हजार ८९० कित्ता सेयर खरिदबिक्री भएको छ ।
प्रकाशित मितिः २०७४ जेठ २२
वि.सं.२०७४ जेठ २२ सोमवार १६:४५ मा प्रकाशित