काठमाडौ । प्रधानन्यायाधीश सुशीला कार्की आफ्नो कार्यकाल सकिनु एक दिनअघि मंगलबार सर्वोच्च अदालतबाट बिदा भएकी छिन् । मंगलबार बिहान सवा एघार बजे उनी आफ्ना सहकर्मीहरूसँग बिदा लिएर सर्वोच्च परिसरबाट बाहिरिइन् ।
सर्वोच्च अदालतको बहुचर्चित प्रधानन्यायाधीशका रूपमा काम गरेकी कार्कीले बिदा हुने बेला सहकर्मीहरूबाट पुष्पगुच्छा, खादा र कुनै प्रकारको उपहार नलिएको सर्वोच्च स्रोतले जानकारी दिएको छ । उनको कार्यकाल बुधबार(जेठ २४ गते) सकिँदैछ ।
नयाँ प्रधानन्यायाधीशको चयनमा ढिलाइ भएकाले हाललाई कार्कीको अनुपस्थितिमा वरिष्ठतम न्यायाधीश गोपाल पराजुली स्वतः कामु प्रधानन्यायाधीश बन्नेछन् ।
प्रकाशित मितिः २०७४ जेठ २३
वि.सं.२०७४ जेठ २३ मंगलवार १३:३१ मा प्रकाशित