धादिङमा सत्तरी केजी चरेस बरामद

धादिङ। गजुरीस्थित प्रहरीले नारायणगढतर्फ लैजाँदै गरेको ७० केजी चरेस मङ्गलबार बिहान लुकाई छिपाई बरामद गरेको छ । सुराकीका आधारमा बिहान ४ बजे इलाका प्रहरी कार्यालय गजुरीका प्रहरी निरीक्षक बरुणबहादुर सिंहको कमान्डमा खटिएको प्रहरी टोलीले चरेस बरामद गरेका हुन् ।

गजुरी हुँदै नारायणगढतर्फ जाँदै गरेको ना ६ ख १३७ नंको एल.पी ट्रकलाई पृथ्वीराजमार्गको बेनिघाट रोराङ गाउँपालिका–५ बेनिघाट बजारमा रोकेर खानतलासी गर्दा उक्त परिणामको चरेस भेटिएको हो ।

छिमेकी जिल्ला मकवानपुरको मनहरि गाउँपालिका–६का उक्त ३२ वर्षीय ट्रकका चालक कृष्णबहादुर राई र सोही स्थान बस्ने सहचालक १८ वर्षीय आयुष लामालाई पक्राउ गरिएको छ ।

पोका पारेर टेपले बाँधेर बेवारिस अवस्थामै ट्रकको पछाडि बोरामा राखेर त्रिपालले छोपेको अवस्थामा चरेस बरामद गरिएको प्रहरी निरीक्षक सिंहले बताए ।

प्रहरीले लागुऔषध चरेस, ओसारपसारमा प्रयोग गरेको ना ६ ख १३७ नंको ट्रक र ओसार पसारमा संलग्न कृष्णबहादुर राई र आयुष लामालाई आवश्यक कानुनी कारबाहीका लागि पक्राउ गरी जिल्ला प्रहरी मार्फत थप अनुसन्धान कार्य भइरहेको छ ।

चालक कृष्णकुमार यसअघि नै लागूऔषध ओसारपसार गरेबापत दुई वर्ष कैद भोगी गत महिना मात्रै रिहाइ भएका थिए ।

प्रकाशित मितिः २०७४ जेठ २४

२०७४ जेष्ठ २४ गते १०:३८ मा प्रकाशित

You can share this post!

मुलुकको ४० औं प्रधानमन्त्रीको रुपमा निर्वाचित देउवा को हुन् !

ट्राफिक प्रहरीद्वारा रु तीस करोड राजस्व सङ्कलन

Related posts