भक्तपुर । भक्तपुर अस्पताल व्यवस्थापन समितिका अध्यक्ष प्रेमबहादुर खड्काले आफूले भक्तपुरका पत्रकारलाई अभद्र व्यवहार गरेको स्वीकार्दै कार्यक्रम स्थलमै माफी मागेका छन् । भक्तपुर अस्पतालले आज आयोजना गरेको एक कार्यक्रमको समाचार संकलनमा गएका पत्रकारलाई अध्यक्ष खड्काले गैरजिम्मेवार पूर्ण अभिव्यक्ति दिदैं बरिष्टहरु भनी होच्याउनुका साथै विभिन्न खालका अभिव्यक्ति दिएका थिए । उनको अभिव्यक्तिप्रति पत्रकारले भत्सर्ना गर्दै सो कार्यक्रम नै बहिस्कार गरेका थिए । कार्यक्रम स्थलमा बसेका बाँकी पत्रकारहरुका समक्ष आफुले दिएको अभिव्यक्ति गलत भएको भन्दै माफी मागेका थिए भने अस्पतालका प्रशासन प्रमुखले समेत अध्यक्षको गलत अभिव्यक्ति आएको स्वीकार्दै उनले पनि असपतालका तर्फबाट क्षमा मागेका थिए ।
यस बिषयमा नेपाल पत्रकारर महासंघ भक्तपुरका अध्यक्ष पुस्कर बुढाथोकीले आफूलाई विवादको बिषयमा पूर्ण जानकारी नभएको बताउँदै यदि अध्यक्ष खड्काले पत्रकारलाई अपहेलित गरेको भए त्यो दुःखद भएको बताएका छन् ।
समाचार संकलनका लागि पुगेका विभिन्न टेलिभिजन, र अनलाईनसँग आबद्ध पत्रकारहरुले कार्यक्रम समयमै शुरु गर्न आग्रह गर्दा उनले पत्रकारलाई होच्याउँदै विभिन्न खालका अभिव्यक्ति दिएका छन् ।
कार्यक्रममा गएका पत्रकारलाई अध्यक्ष खड्काले अभद्र व्यवहार गर्नुका साथै बरिष्ट भन्दै अपहेलित गरेका थिए । आफनो दायित्वबोध नगर्ने र कार्यक्रममा बोलाई सञ्चारकर्मीलाई अपहेलित गर्ने अध्यक्षको नियत र व्यवहार सुधार्न जरुरी रहेको एक पत्रकारको सुझाव छ ।
२४ जेठ २०७४
वि.सं.२०७४ जेठ २४ बुधवार १६:२९ मा प्रकाशित
