लमजुङ। लमजुङका व्यावसायिक अलैंची कृषकले अलैँची सुकाउने आधुनिक भट्टी पाएका छन् । अलैँची व्यवसायी महासङ्घ लमजुङले जिल्लामा रहेका व्यावसायिक अलैँची कृषक समूहलाई २० वटा अलैंची सुकाउने भट्टी उपलब्ध गराएको हो ।
जिल्लाका विभिन्न स्थानका २० वटा अलैँची व्यवसायी समूहले अलैंची सुकाउने भट्टी पाएका हुन् । माग बढी भएकाले समूहगत रुपमा वितरण गरिएको अलैंची व्यवसायी महासङ्घ लमजुङका अध्यक्ष अजय तामाङले बताए ।
अध्यक्ष तामाङका अनुसार जाली, रड, धुवाँजाने पाइप, मेन ड्रम गरी प्रतिसेट रु ७२ हजारको अलैंची भट्टी वितरण गरिएको छ ।
नेपाल व्यापार एकीकृत रणनीति कार्यक्रम (नितिस)को सहयोगमा अलैँची व्यवसायी महासङ्घ लमजुङले कृषक समूहलाई अलैँची सुकाउने सुधारिएको आधुनिक भट्टी उपलब्ध गराएको हो ।
प्रकाशित मितिः २०७४ जेठ ३०
वि.सं.२०७४ जेठ ३० मंगलवार ०८:५३ मा प्रकाशित
