लन्डन, । पश्चिम लन्डनमा अवस्थित अवस्थित एक आवासीय एपार्टमेन्टमा भएको भीषण आगलागीमा परी अहिलेसम्म ६ जनाको मृत्यु भएको छ भने ५० जना भन्दा धेरै घाइते भएका छन् । सन् २०१६ मा निमार्ण सम्पन्न भएको सो भवनमा बुधबार बिहानीपख आगो लागेको हो ।
२७ तल्ले गिन्फेल टावरमा आगो के कसरी लागेको हो भन्ने बारेमा खोजी भइरहेको प्रहरीले जनाएको छ । त्यस विषयमा प्रहरीले अनुसन्धान थालेको जनाएको छ । बुधबार बिहानीपख सो भवनमा आगो लागेको प्रत्यक्षदर्शीले जानकारी दिएका छन् । भवनको करिब २५ औँ तला तिरबाट आगो निस्किएको देखिएको प्रहरीले जनाएको छ ।
सो भवनभित्र करिब २०० जनाको बसोबास रही आएको पाइएको छ । प्रहरीले त्यहाँ करिब २०० जना बस्ने गरेको र कैयौँ व्यक्ति थुनिएर रहेको भन्दै १०० भन्दा बढी अग्निनियन्त्रक परिचालन गरिएको छ र आगलागिले गर्दा उक्त टावर भत्किने खतरा बढ्दै गएको जनाइएको छ ।
बेलायतमा पछिल्ला केही समययता आतङ्ककारी हमलाको त्रास बढ्दो मात्रामा रहेकाले यस आगलागीलाई पनि आतङ्ककारी हमला त होइन भनी व्यापक मात्रामा खोजी गरिएको थियो । यसले नागरिकमा थप त्रास छाएको थियो ।
तर प्रहरीले यस आगलागीमा त्यस्तो कुनै पनि आतङ्ककारी हमलाको प्रयास नभई त्यहाँ प्राविधिक रुपमा मात्र आगो लागेको जनाएको छ ।
हेर्नुहोस् भिडियो गिन्फेल टावरमा आगो
प्रकाशित मितिः २०७४ जेठ ३१
वि.सं.२०७४ जेठ ३१ बुधवार १७:१७ मा प्रकाशित