अमेरिकाको भर्जिनियामा एक बन्दुकधारीले अन्धाधुन्ध गोली चलाउँदा एक सांसदसहित ५ जना घाइते भएका छन् । अमेरिकी मिडियाका अनुसार रिपब्लिकन सांसद मेजोरिटी ह्विप स्टिभ स्कालिस र उनका केही सहयोगीलाई गोली लागेको छ ।
यस्तै घटनास्थलमा रहेका अन्य केही राज्यका रिपब्लिकन सांसदले भने लुकेर ज्यान जोगाएका थिए । स्कालिसलाई तिघ्रामा गोली लागेको र उनी खतरामुक्त रहेको बताइएको छ ।
भर्जिनियाको अलेक्जेन्ड्रियास्थित एक पार्कमा डेमोक्रेट्स् र रिपब्लिकन सांसदबीच बेसबल प्रतियोगिताका लागि अभ्यास चलिरहदा गोलाबारी भएको बीबीसीले उल्लेख गरेको छ । गोलाबारीमा संलग्नलाई प्रहरीले पक्राउ गरेको छ ।
प्रकाशित मितिः २०७४ असार १
वि.सं.२०७४ असार १ बिहीवार १३:०५ मा प्रकाशित
