आविजान । विशाल वर्षाका कारण शुक्रबार पश्चिम अफ्रिकी मुलुक नाइजरमा १४ जना र आइभरी कोष्टमा ११ जनाको मृत्यु भएको छ ।
लामो खडेरी पश्चात केही दिन यता भएको वर्षाका कारण दुवै मुलुकका विभिन्न स्थानमा बाढी तथा पहिरो गएको र हजारौ विस्तापित भएको संयुक्त राष्ट्रसङ्घले दुवै मुलुकका स्थानीय अधिकारीलाई उद्धृत गरी जनाएको छ ।
अविरल वर्षाका कारण नाइजरमा मात्र करिब ३५० घरहरू भत्किएका र १४ जनाको मृत्य भएको
छ । संयुक्त राष्ट्रसङ्घको मानवीय सहयोग मामिला हेर्ने कार्यालय (ओसिएचए)ले जनाएको छ ।
बाढीमा परी र अन्य चार जना वेपत्ता भएका छन् भने करिब तीन हजार मानिस विस्तापित भएका ओसिएचएले जनाएको छ । नाइजरमा गत हप्ता पनि वर्षाका कारण ९ जना बालबालिकाको मृत्यु भएको थियो ।
त्यसैगरी आइभरीकोष्टको आर्थिक राजधानी आविजानमा करिब ३/ ४ दिनको अन्तरालमा ११ जनाको मृत्यु भएको छ । वर्षाका कारण यहाँ सयौं मानिस प्रभावित बनेका छन् ।
सेनाको विपद् व्यवस्थापन इकाईका भाइटल ओलाईले भने , “आविजानमा करिब ३/ ४ दिनको अन्तरालमा वर्षाका कारण ११ जनाको मृत्यु भएको छ भने बाढीबाट सयौं मानिस प्रभावित बनेका छन् ।”
पश्चिम अफ्रिकामा सामन्यतया जुनदेखि सेप्टेम्बरसम्मको समयलाई वर्षा ऋतुका रूपमा लिइन्छ । सन् २०१६ को सो समयमा वर्षाका कारण आविजानमा जम्मा १६ जनाको मृत्यु भएको थियो भने सन् २०१५ मा ३९ व्यक्तिको मृत्यु भएको थियो ।
प्रकाशित मितिः २०७४ असार ३
वि.सं.२०७४ असार ३ शनिवार १३:२२ मा प्रकाशित
