काठमाडौ । आगामी साउन १ गतेदेखि आस्वा प्रणाली अनिवार्य हुने भएपछि अब स्थानीय स्थानबटै सेयर खरिद गर्न सकिने भएको छ ।आगामी साउन १ गतेदेखि आस्वा विना सेयर खरीदबिक्रि गर्न पाइने छैन । र यसका लागि स्थानीय तहका बैंकका शाखाबाटै शेयर कारोबार सुरु हुनेछ ।
नेपाल धितोपत्र बोर्डले गत माघ १ गतेदेखि ऐच्छिक रुपमा लागू गरेको आस्वा प्रणाली अब अनिवार्य हुने भएको हो । यस प्रणालीलाई अनिवार्य गर्न लगानीकर्ता, मर्चेन्ट बैंकर, बैंक तथा वित्तीय संस्थासहित अन्य सरोकारवालाहरूबाट समेत माग भएको परिप्रेक्ष्यमा ०७४ साउन १ देखि लागू हुने गरी धितोपत्रको सार्वजनिक निष्कासनमा आस्वा प्रणाली अनिवार्य गर्ने निर्णय गरिएको छ, । जसअनुसार, अब २०७४ साउनदेखि आस्वा विना सेयर खरिद गर्न पाइने छैन ।
यो प्रणालीमा हालसम्म २८ वटा वाणिज्य बैंकसहित ५७ वटा बैंक वित्तीय संस्था सहभागी भएका छन् । ती संस्थाहरूले ७५ वटै जिल्लाबाट प्राथमिक निष्काशनमा आवेदन दिन सक्ने सुविधा प्रदान गरेका छन् ।
आस्वा प्रणाली अनिवार्य भएपछि सेयर बजार सहज, पारदर्शी र अनुशासित हुने बोर्डको दाबी रहेको छ ।
प्रकाशित मितिः २०७४ असार ४
वि.सं.२०७४ असार ४ आइतवार ११:३४ मा प्रकाशित
