काठमाडौ । मिर्मिरे माइक्रोफाइनान्स डेभलपमेन्ट बैंक लिमिटेड र एनबि इन्स्योरेन्स कम्पनी लिमिटेडले आज अर्थात् असार ५ गतेबाट हकप्रद सेयर बिक्री खुल्ला गरेका छन् ।
मिर्मिरे माइक्रोफाइनान्स डेभलपमेन्ट बैंक
मिर्मिरे माइक्रोफाइनान्स डेभलपमेन्ट बैंकको हकप्रद आज अर्थात असार ५ गतेदेखि निष्काशन भएको छ । माइक्रोफाइनान्सले ५० प्रतिशत अर्थात दुई बराबर एकको अनुपातमा हकप्रद सेयर निष्काशन गरेको हो ।
मिर्मिरेले एक सय रुपैयाँ अंकित मूल्यमा एक करोड ५० लाख रुपैयाँ बराबरको एक लाख ५० हजार कित्ता हकप्रद सेयर निष्काशन गर्नेछ । मिर्मिरेको सेयर निष्काशन तथा विक्री प्रवन्धकमा प्रभु क्यापिटल लिमिटेड रहेको छ । मिर्मिरेको हकप्रद भर्न जेठ १६ गतेभित्र सेयर किनिसकेको हुनुपर्नेछ ।
प्रभु क्यापिटल लिमिटेड कमलादी, मिर्मिरे फाइक्रोफाइन्सको डेभलपमेन्ट बैंकको सबै कार्यालय र प्रभु बैंक लिमिटेडका विराटनगर, विरगन्ज, सुर्खेत, वुटवल, धनगढी र नेपालगञ्जबाट उक्त हकप्रदका लागि आवेदन दिन सकिनेछ । मिर्मिरेको हकप्रद साउन ८ गतेसम्म भर्न सकिनेछ ।
एनबि इन्स्योरेन्स कम्पनी
एनबि इन्स्योरेन्स कम्पनीको हकप्रद पनि आज अर्थात् असार ५ गतेदेखि निष्काशन सुरु भएको छ । एनबि इन्स्योरेन्सले शतप्रतिशत अर्थात एक बराबर एकको अनुपातमा हकप्रद सेयर जारी गरेको हो ।
एनबिले एक सय रुपैयाँ अंकित मूल्यमा २७ करोड रुपैयाँ बराबरको २७ लाख कित्ता हकप्रद सेयर जारी गर्नेछ । एनबिको हकप्रद सेयर निष्काशन तथा विक्री प्रबन्धकमा भने ग्लोबल आईएमई क्यापिटल लिमिटेड रहेको छ । एनबिको हकप्रद जेठ ३ गतेसम्म कायम सेयरधनीले भर्न पाउनेछन् ।
इच्छुक लगानीकर्ताले ग्लोबल आइएमई क्यापिटलको कार्यालय तथा एनबिका सम्पूर्ण शाखाहरुबाट हकप्रद भर्न सक्नेछन् । एनबिले साउन ९ गते हकप्रद निष्काशन बन्द गर्ने जनाएको छ ।
प्रकाशित मितिः २०७४ असार ५
वि.सं.२०७४ असार ५ सोमवार १०:२६ मा प्रकाशित