एकैचोटी हाइड्रोको २८०० कित्ता सेयर लिने भए आजको दिनमै सबै काम सक्नुस् !

काठमाडौ । रैराङ हाइड्रोपावर डेभलपमेन्ट कम्पनीले पाँचथर र ताप्लेजुङ जिल्लाका आयोजना प्रभावित स्थानीयबासीलाई निष्कासन गरेको ५ लाख ६० हजार कित्ता आइपीओ आज (बिहीबार) देखि बिक्री बन्द हुँदैछ । यसआधारमा आइपीओका लागि आज कार्यालय समयसम्म मात्र आवेदन दिन पाइनेछ ।

रैराङले जेठ २५ देखि कुल निष्कासित कित्तामध्ये प्रत्यक्ष रुपमा प्रभावित पाँचथरको थर्पु र ताप्लेजुङको साब्लाखु गाविसका स्थानीयलाई २ लाख २४ हजार कित्ता र बाँकी ३ लाख ३६ हजार कित्ता पाँचथर र ताप्लेजुङको अन्य गाविसका वासिन्दालाई बिक्री गरेको हो । रैराङको आइपीओमा एस क्यापिटलले बिक्री प्रबन्धकको काम गरेको छ ।

लगानीकर्ताले उक्त आइपीओमा न्यूनतम ५० देखि अधिकतम २८ सय कित्तासम्म आवेदन दिन सक्नेछन् । आइपीओका लागि पाँचथरको फिदिम स्थित सिभिल बैंक, माछापुछ्रे बैंक, एनआइसी एसिया र एनएमबि बैंकको शाखाबाट आवेदन दिन सकिनेछ । यसैगरी, सिभिलको मेदिबुङ बजार पाँचथर र एनएमबि बैंकको फुङ्गलिङ्ग ताप्लेजुङ शाखाबाट पनि आवेदन दिन पाइने व्यवस्था छ ।

कम्पनीको जारी पुँजी ५६ करोड रुपैयाँ छ । पहिलो चरणमा जारी पुँजीको १० पतिशत सेयर आयोजना प्रभावित स्थानीयका लागि बिक्री गर्न लागिएको हो । यसपछि कम्पनीले १५ प्रतिशत सेयर कर्मचारी र सर्वसाधारणलाई लागि बिक्री गर्नेछ ।

प्रकाशित मितिः २०७४ असार ८

२०७४ असार ८ गते १२:२३ मा प्रकाशित

You can share this post!

कर्मचारी सञ्चय कोषलाई अन्तर्राष्ट्रिय अवार्ड,हेर्नुहोस् कसरी जित्यो ४५ देशका १३० संस्थालाई ?

६ दिन भयो लुक्लामा उडान अबरुद्ध भएको,पर्यटकहरु अलपत्र !

Related posts