मुग्लिन–नारायणगढ सडकखण्डमा पहिरोले प्रहरीको भ्यान पुरियो, २ जनाको मृत्यु, २ वेपत्ता

चितवन। मुग्लिन–नारायणगढ सडकखण्डको कालीखोलामा पहिरोले प्रहरीको भ्यान पुरिँदा २ जनाको मृत्यु भएको छ भने अरु २ प्रहरीहरु वेपत्ता छन् ।

मुग्लिन–नारायणगढ सडकखण्ड गएराति ११ बजेदेखि नै पहिरोले अवरुद्ध भएको सूचना पाए पछि इलाका प्रहरी कार्यालय मुग्लिनका प्रहरी सहायक निरीक्षक निश्चल तामाङ नेतृत्वको टोली पहिरोको अवस्था बुझ्न कालीखोला आएको थियो । ट्रक समेत पुरेको ठूलो पहिरो झरेको रिपोर्टिङ गरेर प्रहरीहरु फर्किँदै थिए । त्यही क्रममा माथिबाट झरेको पहिरोले ना १ झ १३९० नम्बरको प्रहरी भ्यान पुरिएको जिल्ला प्रहरी कार्यालय चितवनले जनाएको छ ।

घटनास्थलबाट दुई जना प्रहरीको शव निकालिएको छ । प्रहरी सहायक निरीक्षक निश्चल तामाङ र प्रहरी जवान दिपक मास्केको शव फेला परेको चितवन प्रहरी प्रमुख एसपी दीपक थापाले जानकारी दिए ।

थापाका अनुसार प्रहरी जवानहरु सन्दिप कार्की र लिलबहादुर चेपाङको खोजी कार्य जारी छ । (फाइल फोटो)

प्रकाशित मितिः २०७४ असार ९

२०७४ असार ९ गते ११:०१ मा प्रकाशित

You can share this post!

फोहोरबाट मोहोर कमाउँदै वालिङ नगरपालिका

सेयरधनीलाई ८% बोनसपछि ५०% हकप्रदको यो अर्काे अवसर !

Related posts