काठमाडौ । जेठ ७ गतेदेखि नै २०० प्रतिशत हकप्रद बिक्री खुला गरेको हाम्रो विकास बैंकको हकप्रद भर्न पनि अब दुई दिन मात्र बाँकी छ । आइतबार कार्यालय समयसम्म मात्र यो हकप्रद भर्न सकिने छ ।
हाम्रोले पनि १०० रुपैयाँ अंकित मूल्यको ३० लाख ५८ हजार ३३८.७५ कित्ता हकप्रद सेयर बिक्री खुला गरेको हो । गत आर्थिक वर्षको कमाईबाट २५ प्रतिशत बोनस सेयर जारी गरेर १५ करोड रुपैयाँ चुक्तापुँजी पुर्याएको बैंकले एक सय रुपैयाँ अंकित मूल्यमा ३० करोड ५८ लाख ३३ हजार आठ सय ७५ रुपैयाँ बराबरको ३० लाख ५८ हजार तीन सय ३८ दशमलव ७५ कित्ता हकप्रद सेयर बिक्री गरेको हो । हकप्रद निष्कासनपछि हाम्रोको चुक्ता पुँजी ४५ करोड ८७ लाख ५० हजार ८१२ रुपैयाँ पुग्नेछ । वैशाख १० गतेसम्म कायम रहेका सेयरधनीले मात्र यसमा आवेदन दिन सक्नेछन् ।
एनआइबीएल क्यापिटल मार्केट्स लिमिटेड लाजिम्पाट काठमाडौं तथा हाम्रो विकास बैंकको केन्द्रीय कार्यालय बिदुर, ३ बट्टार नुवाकोट र अधिकांश शाखा कार्यालयबबाट यसमा आवेदन दिन सकिनेछ । त्यसैगरी, नेपाल इन्भेष्टमेन्ट बैंकको शाखा कार्यालयहरु विराटनगर, चिप्लेढुङ्गा पोखरा, वीरगन्ज, नारायणगढ, नेपालगन्ज र धनगढीबाट पनि आवेदन दिन सकिनेछ । हाम्रोको बिक्री प्रबन्धकमा एनआइबीएल क्यापिटल मार्केट्स लिमिटेड हो ।
प्रकाशित मितिः २०७४ असार ९
वि.सं.२०७४ असार ९ शुक्रवार १४:५३ मा प्रकाशित