काठमाडौ । सप्तकोशी डेभलपमेन्ट बैंकको १३० प्रतिशत हकप्रद सुरक्षित गर्ने आज (मंगलबार) अन्तिम दिन हो । हकप्रद बिक्री गर्न बैंकले बुधबार बुक क्लोज गर्दैछ ।
हाल कायम सेयरधनीले भने स्वतः हकप्रद भर्न पाउनेछन् । बैंकले धितोपत्र बोर्डबाट १३० प्रतिशत हकप्रद सेयर बिक्री गर्ने अनुमति पनि पाइसकेको छ । बैंकले अब छिट्टै नै १ः१.३ को अनुपातामा १०० रुपैयाँको दरले २७ लाख ४३ हजार कित्ता हकप्रद सेयर जारी गर्ने जनाएको छ ।
हकप्रदमा एनएमबि क्यापिटलले बिक्री प्रबन्धकको काम गर्दैछ । यसअघि पनि बैंकले गत पुस २४ गतेदेखि फागुन १ गतेसम्म १० लाख कित्ता हकप्रद सेयर बिक्री खुला गरेको थियो ।
प्रकाशित मितिः २०७४ असार १३
वि.सं.२०७४ असार १३ मंगलवार १३:३६ मा प्रकाशित
