काठमाडौ । मंगलबार सेयर बजार परिसूचक नेप्से तथा कारोबार रकम दुवैमा गिरावट आएको छ । निरन्तर ओरालो लागेको बजारमा आइतबार सामान्य सुधार आएको भएपनि मंगलबार भने पुन ओरालो लागेको हो ।
मंगलबार नेप्से २.६३ अंकले घटेर १५६५.०९ विन्दुमा झरेको छ । कुल १५१ कम्पनीको कारोबार भएको बजारमा ६१ करोड ९१ लाख रुपैयाँ बराबरको सेयर किनबेच भयो । आइतबारको तुलनामा कारोबार रकम १२ करोडले घटेको छ ।
मंगलबार विकास बैंक,विमा र अन्य समूहका सूचक सामान्य बढेपनि अन्य सबै सूचक ओरालो लागेका छन ।
मंगलबारको बजारमा हिमालयन जनरल इन्स्योरेन्सको सबैभन्दा बढी ५ करोड १४ लाख बराबरको कारोबार भयो । लुम्बिनी जनरल इन्स्योरेनसको ४ करोड ६१ लख बराबरको सेयर खरिदबिक्री हुँदा स्ट्याण्र्डड चार्टर्ड र नेपाल बैंकको पनि ३ करोड बढीको कारोबार भयो ।
प्रकाशित मितिः २०७४ असार १३
वि.सं.२०७४ असार १३ मंगलवार १६:५२ मा प्रकाशित
