काठमाडौ । नेपाल स्टक एक्स्चेञ्ज लिमिटेड (नेप्से)ले एभरेष्ट इन्सुरेन्सको सेयर कारोबार खुला गरेको छ । धितोपत्र बोर्डले नेप्सेलाई पत्र पठाएपछि एभरेष्टको कारोबार खुला भएको हो । संवेदनशील सूचनाहरु चुहावट गरेको आशंकामा यसअघि धितोपत्र बोर्डले एभरेष्टको सेयर कारोबारमा रोक लगाउन नेप्सेलाई निर्देशन दिएको थियो । यसरी असार ६ गतेदेखि एभरेष्टको सेयर कारोबार रोकिएको थियो ।
एभरेष्टको कारोबार खुला भएपनि सरकारले ब्रोकर कमिसनमा १३ प्रतिशत भ्याट लगाउने निर्णय गरेपछि ब्रोकरहरु आन्दोलित छन् । यसका कारण बिहीबार सेयर बजारमा कुनै कारोबार हुन सकेको छैन । एभरेष्टले विगत ५ वर्षको साधारण सभा एकै पटक बोलाएर २० प्रतिशत बोनस सेयर दिने निर्णय गरेको छ ।
बोनसलाई असार २३ बस्ने साधारण सभाबाट पारित गर्ने प्रस्ताव गरिएको छ । यो बोनसमा नेप्सेले मूल्य समायोजन पनि गरिसकेको छ ।
प्रकाशित मितिः २०७४ असार १५
वि.सं.२०७४ असार १५ बिहीवार १३:०७ मा प्रकाशित
