काठमाडौ। साताको पहिलो दिन आईतबार सेयर बजार परिसूचक नेप्से २१ दशमलव ९९ अंकले ओरालो लागेको छ । आइतबार नेप्से परिसुचक ओरालो लागेर १ हजार ५ सय ४१ अंकमा अडिएको छ ।
बजारमा प्रायःजसो सबै समुहका परिसूचक ओरालो लागेका छन् । जसमध्ये सबैभन्दा बढी बीमा समुहको परिसूचक १ सय ३० अंकले घटेको छ । यसैगरी बजारमा सबैभन्दा बढी प्रभाव रहेको बैंकिङ समुहको परिसूचक पनि २२ दशमलव ८७ अंकले घटेको छ । बैंकिङ समुहको परिसुचक उच्च रुपमा घटेसँगै नेप्से परिसूचक दोहोरो अंकले ओरालो लागेको हो ।
दिनभर कुल १ सय ४८ कम्पनीको सेयर कारोबार भएको छ । ती कम्पनीका कुल ५६ करोड ७७ लाख रुपैयाँ बराबरको ९ लाख ३१ हजार कित्ता सेयर खरिदबिक्री भएको छ ।
सरकार र ब्रोकरबीच पूँजी बजारमा मूल्य अभिबृद्धि कर (भ्याट) लगाउने सहमतिसँगै बजारमा भ्याट आंतङ्क फैलिएको छ । दुई पक्षबीचको सहमतिसँगै खुलेको बजारमा लगानीकर्ता अन्यौलमा पर्दा बजार दोहोरो अंकमा घट्न पुगेको बताईन्छ।
प्रकाशित मितिः २०७४ असार १८
वि.सं.२०७४ असार १८ आइतवार १५:५० मा प्रकाशित
