काठमाडौ । निजी क्षेत्रको टेलिभिजन सेवा प्रदायक कम्पनी डिसहोमले सर्वसाधारणका लागि सेयर जारी गर्ने भएको छ । प्राईभेट लिमिटेडको रुपमा कम्पनी रजिष्ट्रारको कार्यालयमा दर्ता रहेको डिसहोम अब पब्लिक लिमिटेड कम्पनीमा रुपान्तरण भएको छ ।
कम्पनीले आईतबार मात्रै कम्पनी रजिष्ट्रारको कार्यालयबाट त्यससम्बन्धी प्रमाण पत्र प्राप्त भएको जनाएको छ । नेपाल धितोपत्र बोर्डले प्राईभेट कम्पनीहरुलाई पब्लिक लिमिटेडमा परिवर्तन भएर सर्बसाधारणमा सेयर जारी गर्न प्रोत्साहित गर्नका लागि ल्याएको नीतिअनुरुप डिसहोमले सर्वसाधारणका लागि सेयर जारी गर्ने तयारी गरेको हो ।
प्रभु समूह, ग्लोबल आईएमई समूह लगायतको लगानी रहेको डिसहोमले देशभर बिनातारे प्रबिधिबाट टेलिभिजन हेर्ने सुबिधा उपलब्ध गराउँदै आएको छ ।
प्रकाशित मितिः २०७४ असार २०
वि.सं.२०७४ असार २० मंगलवार ११:१५ मा प्रकाशित
