काठमाडौ । सेन्चुरी बैंकले साउन १६ गतेदेखि ४० प्रतिशत हकप्रद सेयर बिक्री खुला गर्ने भएको छ । बैंकले १०ः४ अनुपातमा प्रतिकित्ता १०० रुपैयाँ दरको १ करोड ८८ लाख ५४ हजार २५७ कित्ता १ अर्ब ८८ करोड ५४ लाख रुपैंयाभन्दा बढिको हकप्रद सेयर बिक्री गर्न लागेको हो ।
बैंकले हकप्रद भर्ने अन्तिम म्याद भदौ १८ गते तोकेको छ । यसमा असार २६ गतेसम्म कायम रहेका सेयरधनीले मात्र आवेदन दिन सक्नेछन् । हकप्रदको निष्काशन तथा बिक्री प्रबन्धकको काम सिभिल क्यापिटल मार्केटले गर्दैछ ।
लगानीकर्ताले सिटिसि मल सुन्धारास्थित बिक्री प्रबन्धकको कार्यालय र सेन्चुरी बैंकको केन्द्रीय कार्यालयसहित सम्पूर्ण शाखाबाट आवेदन दिन सक्नेछन् ।
प्रकाशित मितिः २०७४ असार ३०
वि.सं.२०७४ असार ३० शुक्रवार १२:०४ मा प्रकाशित