काठमाडौ । ओम डेभलपमेन्ट बैंकले ३० प्रतिशत हकप्रद सेयर निष्कासन गर्न धितोपत्र बोर्डसँग अनुमति मागेको छ । बैंकले १०ः३ अनुपातमा १०० रुपैयाँ दरको ४९ लाख ३१ हजार ८३५ कित्ता हकप्रद निष्कासन गर्न अनुमति मागेको हो ।
हकप्रदको बिक्री प्रबन्धकको काम एनआइबीएल क्यापिटल लिमिटेडले गर्नेछ ।
यस्तै श्री इन्भेष्टमेन्ट एण्ड फाईनान्स कम्पनी लिमिटेडले १०ः८.३ अनुपातमा हकप्रद सेयर निष्काशन गर्न नेपाल धितोबोर्डसँग अनुमति माग गरेको छ । कम्पनीले असार २९ गते अनुमति माग गरेको हो ।
कम्पनीले १०० रुपैंया अंकित २७ लाख ६७ हजार २२५.६२ कित्ता हकप्रद सेयर निष्काशन गर्न अनुमति माग गरेको हो । कम्पनीको हकप्रद निष्काशन एवं बिक्री प्रबन्धकको काम सिद्धार्थ क्यापिटल लिमिटेडले गर्नेछ ।
यसैगरी भागर्व विकास बैंकले १०ः८ अनुपातमा हकप्रद निष्काशनको माग गर्दै धितोपत्र बोर्डमा अनुमति माग गरेको छ । बैंकले असार २७ गते उक्त माग गरेको हो ।
बैंकले १०० रुपैंया अंकित २१ लाख १२ हजार कित्ता हकप्रद सेयर निष्काशनको लागि माग गरेको हो । बैंकको हकप्रद सेयर निष्काशन तथा बिक्री प्रबन्धकको काम एनएमबी क्यापिटल लिमिटेडले गर्नेछ ।
प्रकाशित मितिः २०७४ साउन २
वि.सं.२०७४ साउन २ सोमवार १२:३२ मा प्रकाशित
