झण्डै दर्जन फिल्म खेलिसकेपनि सफलता हात नपारेका नायक दिनेश केसी एक अनटाइटल प्रोजेक्टमा अनुवन्धित भएका छन् । दोलखा फिल्मस्को व्यानरमा निर्माण हुन लागेको यो फिल्ममा उनले चार नायिकासँग रोमान्स गर्दैछन ।
२०६७ सालदेखि यो रंगीन दुनियाँमा प्रवेश गरेका नायक केसीले बल्ल आएर एक राम्रो व्यानरमा जोडिने मौका पाएको बताए । छिट्टै फ्लोर जाने भनिएको यो फिल्म विशुद्ध प्रेमकथामा आधारित रहनेछ । हाल नायिका छनौटको क्रममा रहेको फिल्म निर्माण संस्था दोलखा फिल्मस्ले जनाएको छ ।
राजाराम दाहालको ‘नेपथ्य’, विवेक सापकोटाको ‘निशाफ’ ऋषि न्यौपानेको क्रमश चार फिल्म ‘झमेला’, ‘लाले’, ‘वादशाह’ र ‘खतरनाक’ मा काम गरिसकेका दिनेशको शीर्ष भूमिकामा निर्माण हुन लागेको फिल्मलाई बेल्जियम निवासी एक नेपाली नागरिकले निर्माण गर्न लागेका हुन् ।
फिल्मको काठमााडौं, थाइल्याण्ड, सिंगापुर हुँदै यूरोपका विभिन्न रमणीय देशहरुमा छायांकन गरिनेछ । ४ नायिकामा एक भने थाइल्याण्डको थाई कलाकार रहने पक्का भएको निर्माण संस्थाले जनाएको छ । फिल्ममा एक लभर ब्वाईको भूमिका नायक दिनेशले निर्वाह गर्दैछन् ।
प्रकाशित मितिः २०७४ साउन २
वि.सं.२०७४ साउन २ सोमवार १५:५० मा प्रकाशित