काठमाडौ । मुक्तिनाथ विकास बैंकले ४० प्रतिशत हकप्रद बिक्री गर्न धितोपत्र बोर्डबाट अनुमति पाएको छ । नयाँ आर्थिक वर्षमा हकप्रद ल्याउन अनुमति पाउने मुक्तिनाथ पहिलो बैंक बनेको छ ।
बैंकले प्रतिकित्ता १०० रुपैयाँ दरको ६१ लाख ७० हजार ८६५.०४ कित्ता हकप्रद बिक्री गर्न अनुमति पाएको हो । १०ः४ अनुपातमा आउने यो हकप्रदमा एनआइबीएल क्यापिटलले बिक्री प्रबन्धकको काम गर्नेछ । राष्ट्र बैंकले तोकेको चुक्ता पुँजी पुर्याउन मुक्तिनाथले ४० प्रतिशत हकप्रदको बाटो रोजेको हो । गत आर्थिक वर्षमा पनि बैंकले ५० प्रतिशत हकप्रद बिक्री गरेको थियो भने ३४ प्रतिशत बोनस सेयर दिएको थियो ।
प्रकाशित मितिः २०७४ साउन ३
वि.सं.२०७४ साउन ३ मंगलवार १२:५३ मा प्रकाशित
