काठमाडौ । हिमालयन पावर पार्टनरको आइपीओ बुधबार अर्थात साउन ४ गते बाँडफाँट हुने भएको छ । बिक्री प्रबन्धक ग्लोबल आइएमई क्यापिटलका अनुसार हिमालयनको आइपीओ साउन ४ गते बुधबार बाँडफाँट कार्यक्रम तय भएको जानकारी दिए ।
आईपीओ बिहान ११ बजे कान्तिपथबाट बाँडफाँट हुने जनाइएको छ । नयाँ नियम अनुसार हिमालयको आइपीओ बाँडफाँट हुने बताईएको छ । यसो भयो भने हिमालयन पहिलो कम्पनी हुनेछ । अब हरेक आवेदकले कम्तीमा १० कित्ता सेयर पाउने छन् ।
धितोपत्र बोर्डले साउन १ गतेदेखि अनिवार्य रुपमा आस्वा प्रणाली लागू गर्दै सबै आवेदकलाई न्यूनतम १० कित्ता सेयर दिने प्रावधान लागू गरेको छ ।
कम्पनीले असार १ देखि ५ गतेसम्म प्रतिकित्ता १०० रुपैयाँ दरको २१ लाख ३० हजार ८३४ कित्ता आइपीओ बिक्री खुला गरेको थियो । जसमध्ये ४२ हजार ६१७ कित्ता कर्मचारी र १ लाख ६ हजार ५४२ कित्ता म्युचुअल फन्डहरुलाई छुट्याइएको छ । यो आइपीओमा लगानीकर्ताले न्यूनतम ५० कित्ता देखि अधिकतम १० हजार कित्ता सम्म आवेदन दिन सक्ने प्रावधान थियो ।
यस आइपीओमा ८ अर्ब ३८ करोड ३१ लाख ४७ हजार ५०० रुपैयाँको आवेदन परेको थियो ।
प्रकाशित मितिः २०७४ साउन ३
वि.सं.२०७४ साउन ३ मंगलवार १४:४१ मा प्रकाशित