काठमाडौ । मंगलबार पनि सेयर बजार दोहोरो अंकले बढेको छ । नेप्से परिसूचक ३४.२५ अंकको वृद्धिसँगै १६३८.४१ अंकमा पुगेको छ । मंगलबार सबै परिसूचकहरु बढेका छन् । यसदिन बीमा समूह सबैभन्दा धेरै ४१६.६३ अंकले बढेको छ ।
परिसूचकसँगै कारोबार रकममा पनि उल्लेख्य सुधार आएको छ । लामो समयपछि कारोबार रकमले एक अर्बको सिमा पार गरेको छ । दिनभरमा १५५ वटा कम्पनीको १९ लाख ३५ हजार ५ सय ९० कित्ता सेयर नौ हजार एक सय ८९ पटक खरिदविक्री हुँदा एक अर्ब २१ करोड १७ लाख ८८ हजार ५ सय ७९ रुपैयाँको कारोबार भएको छ ।
कुल कारोबारमध्ये, नेपाल लाइफ इन्स्योरेन्सको नौ करोड २९ लाखमाथिको कारोबार भएको छ भने फरवार्ड कम्युनिटी माइक्रोफाइनान्सको पाँच करोड ९१ लाख र नेपाल इन्भेष्टमेन्ट बैंक प्रोमोटरको पाँच करोड तीन लाखमाथिको कारोबार भएको छ । नविल बैंक प्रोमोटर र नेशनल लाइफ इन्स्योरेन्सको तीन करोडमाथिको कारोबार हुँदा स्टान्डर्ड चार्टर्ड बैंक, नेपाल इन्स्योरेन्स, नेरुडे लघुवित्त, मुक्तिनाथ विकासक बैंक, जलविद्युत् लगानी तथा विकास कोष लगायतको दुई करोडमाथिको कारोबार भएको छ ।
प्रकाशित मितिः २०७४ साउन ३
वि.सं.२०७४ साउन ३ मंगलवार १५:३३ मा प्रकाशित