back
NMB ad

अप्पर तामाकोसीले रोल्वालिङ खोलाबाट २२ मेगावाट विद्युत उत्पादन गर्ने

Kumari bank ad

दोलखा । ४ सय ५६ मेगावाटको माथिल्लो तामाकोसी जलविद्युत आयोजना निर्माण गरिरहेको ‘अप्पर तामाकोसी हाइड्रोपावर लिमिटेड’ले रोल्वालिङ खोलाबाट २२ मेगावाट विद्युत उत्पादन गर्ने भएको छ । दोलखाको छ्यो रोल्पा हिमतालबाट निस्केको पानी प्रयोग गरी विद्युत उत्पादन प्रक्रिया अघि बढाइएको हो । रिकु र सिमी गाउँमा बाँध निर्माण गरी साढे ६ किलोमिटर सुरुङबाट विद्युतगृहसम्म पानी खसालिनेछ ।

छ्यो रोल्पा हिमताल

विद्युतगृह तामाकोसीको बाँधभन्दा केही माथि निर्माण हुने आयोजना प्रमुख विज्ञानप्रसाद श्रेष्ठले बताए । यसअघि उक्त खोलाबाट ल्याइएको पानी तामाकोसीको जलाशयमा मिसाएर १७ करोड युनिट थप विद्युत उत्पादन गर्ने लक्ष्य थियो ।

पछिल्लो योजनाअनुसार पहिला २२ मेगावाटको छुट्टै विद्युतगृह बनाउने र त्यसबाट निस्केको पानी तामाकोसीको जलाशयमा मिसाइनेछ । यसो हुँदा चिलिमे बराबरको आयोजना बन्ने र तामाकोसीमा ऊर्जासमेत थपिने श्रेष्ठले बताए । क्यू४० मा निर्माण हुने आयोजनाको लागत करिब ४ अर्ब रुपैयाँ अनुमान गरिएको छ ।

२०७५ को मध्यतिर सुरु गरेर ४ वर्षमा आयोजना पूरा गर्ने लक्ष्य छ । ‘आगामी एक वर्षभित्र आवश्यक पूर्वाधार तयार हुन्छ,’ उनले भने, ‘अहिले उत्पादन अनुमतिपत्र लिन विद्युत विकास विभागमा आवेदन दिइएको छ ।’

माथिल्लो तामाकोसीको विद्युतगृहबाट निस्केको पानी प्रयोग गरी ८७ मेगावाटको तामाकोसी–५ निर्माणको जिम्मा कम्पनीलाई दिने तयारी थियो । तर, यो आयोजना अहिले नेपाल विद्युत प्राधिकरणले नै अघि बढाएको छ ।

पहुँचमार्गको रूपमा केबलकार बन्ने

रोल्वालिङ आयोजना निर्माण गर्न आवश्यक पहुँचमार्गका रूपमा केबलकार निर्माण गरिने भएको छ । जटिल भौगोलिक अवस्थाका कारण सडक निर्माण असम्भव भएकाले केबलकारको योजना बनाइएको हो ।

तामाकोसीको विद्युतगृह गोंगर छेउ छेदछेदबाट रिकु र सिमी गाउँसम्म २ किलोमिटरको केबलकार निर्माण हुने श्रेष्ठले जानकारी दिए । ‘केबलकार निर्माणको ठेक्का प्रक्रियाअघि बढेको छ, एक वर्षभित्र यसको निर्माण पूरा हुन्छ,’ उनले भने ।

आयोजना निर्माणक्रममा निर्माण सामग्री, उपकरण ढुवानी र कामदार आउजाउ केबलकारबाटै हुनेछ । छेदछेददेखि करिब ६ सय मिटर उचाइ हुँदै केबलकार निर्माण गरिन्छ । आयोजनाको बाँध निर्माणमा आवश्यक ठूला उपकरण भने हेलिकोप्टरबाट ढुवानी गर्ने योजना छ ।

आयोजना निर्माणपछि केबलकार ती गाउँमा आउजाउ गर्ने मार्गका रूपमा प्रयोग हुनेछ । केबलकारकै माध्यमबाट रिकु र सिमी गाउँलाई पर्यटकीयस्थल बनाउन सकिने सम्भावना पनि छ ।
उर्जाखबरबाट

प्रकाशित मितिः २०७४ साउन ५

वि.सं.२०७४ साउन ५ बिहीवार १२:१८ मा प्रकाशित

You can share this post!

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...

राष्ट्रियसभाका उपाध्यक्ष अर्यालको राजीनामा   

राष्ट्रियसभाका उपाध्यक्ष अर्यालको राजीनामा   

वि.सं.२०८० चैत १५ बिहीवार १६:१७

काठमाडौँ, १५ चैत : राष्ट्रियसभाका उपाध्यक्ष उर्मिला अर्यालले पदबाट राजीनामा...

हिमालमा हेलिकप्टरले बचाउँदै पर्यटकको ज्यान   

हिमालमा हेलिकप्टरले बचाउँदै पर्यटकको ज्यान   

वि.सं.२०८० चैत १५ बिहीवार १६:००

सुवास दर्नाल सल्लेरी (सोलुखुम्बु), १५ चैत : गत आइतबार सगरमाथा...

नेप्सेमा एक कम्पनीको मूल्य समायोजन

नेप्सेमा एक कम्पनीको मूल्य समायोजन

वि.सं.२०८० चैत १५ बिहीवार १५:५४

काठमाडौं । नेपाल स्टक एक्सचेञ्ज (नेप्से)ले बिहीबार एक कम्पनीको मूल्य...

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

वि.सं.२०८० चैत १५ बिहीवार १५:४८

काठमाडौं । CFMOTO र  ZEEHO   ब्राण्डको नेपालका लागि आधिकारीक वितरक...

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

वि.सं.२०८० चैत १५ बिहीवार १५:२४

काठमाडौं । साताको अन्तिम कारोबार दिन सेयर बजारमा सुधार आएको...