बनेपा । बनेपामा शुक्रबार एकै परिवारका चार जनाले आत्महत्या गरेका छन् ।
बनेपा–८ स्थित बसपार्कमा रहेको गौतम भोजनालयमा ६५ वर्षीय हरिभक्त दाहाल, ६० वर्षीया हरिमाया दाहाल, ३२ वर्षीय राजाराम दाहाल र २५ वर्षीया रञ्जना दाहालले आत्महत्या गरेको जिल्ला प्रहरी कार्यालय, काभ्रेपलाञ्चोकका प्रहरी नायब उपरीक्षक नवीनराज राईले जानकारी दिए ।
आत्महत्या गरेका बुबा, आमा, छोरा र छोरी हुन् । छोरीको बिहेका विषयमा विवाद हुँदा सो घटना भएको हुन सक्ने आफन्तको आशंका छ ।
प्रहरीले घटनाको अनुसन्धान भइरहेको जनाएको छ । भित्रबाट ताल्चा लगाएर उनीहरुले विष सेवन गरी आत्महत्या गरेको बताइएको छ ।
प्रकाशित मिति : २०७४ साउन ६
वि.सं.२०७४ साउन ६ शुक्रवार २३:११ मा प्रकाशित
