काठमाडौ। बुधबार विभिन्न ४ कम्पनीको ९८ लाख ७९ हजार ४५१.९९ कित्ता सेयर नेप्सेमा सूचिकृत भएको छ । नेप्सेमा ९५ लाख १ हजार ७८९.७९ कित्ता साधारण सेयर र ३ लाख ७७ हजार ६६१.२ कित्ता बोनस सेयर गरी उक्त सेयर सूचिकृत भएको हो ।
नेप्सेमा ग्लोबल आइएमई बैंक र सांग्रिला डेभलपमेन्ट बैंकको साधारण सेयर सूचिकृत भएको हो । रिलायवल डेभलपमेन्ट बैंकको प्राप्ति पश्चात ग्लोबल आइएमईको ८३ लाख ७६ हजार ८०२.२९ कित्ता सेयर सूचिकृत भएको छ । त्यस्तै कसमस डेभलपमेन्ट बैंक एक्वाएर पछि सांग्रिलाको ११ लाख २४ हजार ९८७.५ कित्ता सेयर नेप्सेमा थपिएको हो ।
त्यस्तै, भार्गव विकास बैंकको २ लाख ४० हजार कित्ता र महाकाली विकास बैंकको १ लाख ३७ हजार ६६२.२ कित्ता बोनस सेयर नेप्सेमा थपिएको छ ।
प्रकाशित मितिः २०७४ साउन ११
वि.सं.२०७४ साउन ११ बुधवार १४:०३ मा प्रकाशित