काठमाडौ। २ घण्टाभन्दा बढि समय समस्या आएको नेपाल स्टक एक्सचेञ्ज (नेप्से)को वेब साइट खुलेको छ । यसअघि साईट नखुल्दा बिहीबार लगानीकर्ता अन्यौलमा परेका थिए । उनीहरुले सेयर कारोबारका बारेमा जानकारी लिन पाएका थिएनन् ।
सर्वसाधारणले इन्टरनेटबाट कारोबार हेर्न नपाए पनि सेयर कारोबार भने भइनै रह्यो । नेप्सेको साइटमा समस्या आएपनि ब्रोकर कार्यालयमा कारोबार सुचारु नै थियो ।
नेप्सेका अनुसार ‘नेप्सेको कार्यालयसम्म आउने फाइबर केवल बाटोमा बिग्रिएकोले समस्या आएको हो । यसको मर्मतपश्चात् डिस्पे खुलेको हो ।
हाल साँढे १ बजे नेप्से ७.९६ अंकले बढेर १६५२.९९ अंकमा पुगेको छ ।
प्रकाशित मितिः २०७४ साउन १२
वि.सं.२०७४ साउन १२ बिहीवार १३:२३ मा प्रकाशित
