इपिएल क्रिकेटको दोस्रो संस्करण,विजेताले २१ लाख पाउने

काठमाडौ। एभरेष्ट प्रिमियर लिग क्रिकेटको दोस्रो संस्करण आगामी डिसेम्बरमा हुने भएको छ । साथै प्रतियोगिता नेपालकै सर्बाधिक पुरस्कार राशीको समेत हुनेछ ।

काठमाडौमा पत्रकार सम्मेलन गरी जोहरा स्पोर्टस म्यानेजमेन्टले प्रतियोगिताको लोगो सार्वजनिकका साथै उपाधि बिजेतालाई २१ लाख पुरस्कार दिने घोषणा गरेको छ । मुलुकका ६ शहरको प्रतिनिधित्व गर्ने गरी टिम बनाइएको छ भने खेलाडीहरु अक्सनको आधारमा अनुबन्धित हुनेछन् । काठमाडौ, ललितपुर, बिराटनगर, बीरगञ्ज, भैरहवा र पोखराका टोलीहरु समावेश गरिएको छ ।

प्रतियोगितामा प्रत्येक टोलीले १५ जना खेलाडी अनुबन्ध गर्न सक्नेछन्, प्रत्येक टोलीमा कम्तिमा एक जना स्थानीय खेलाडी हुनैपर्नेछ । स्थानीय खेलाडीका लागि सम्बन्धित टोलीले ट्यालेन्ट हण्ट गरी छनोट गर्नुपर्नेछ ।

त्यस्तै हरेक टिममा बढीमा तीन जनासम्म बिदेशी खेलाडी रााख्न पाउने व्यवस्था गरिएको छ ।
राउण्ड रोविन लिगमा खेलाइने प्रतियोगिताका खेलहरु कीर्तिपुर मैदानमा हुनेछन् । पत्रकार सम्मेलनमा नेपाली राष्ट्रिय टोलीका कप्तान पारस खड्काले सफलतापूर्वक पहिलो संस्करण सकाएको इपिएलले परिस्कृत स्वरुपमा नयाँ खेलाडीका लागि अवसर सृजना गरेको खुसी लागेको प्रतिक्रिया दिए ।

२१ लाख पुरस्कार राशी नेपालमा आयोजना हुने प्रतियोगितामध्ये सबैभन्दा धेरै हो । यसअघि राष्ट्रिय खेलकुद परिषदले आयोजना गरेको प्रधानमन्त्री कप क्रिकेटमा २० लाख र धनगढी प्रिमियर लिगमा १५ लाख पुरस्कारको व्यवस्था गरिएको थियो ।

प्रकाशित मितिः २०७४ साउन १६

२०७४ साउन १६ गते ११:३९ मा प्रकाशित

You can share this post!

कतारमाथिको नाकाबन्दीपछि गल्फ राष्ट्रका विदेशमन्त्रीको बैठक शनिबार

सेन्चुरीको ७४ लाख ७० हजार कित्ता सेयर नेप्सेमा सूचिकृत

Related posts