वित्तिय परिणाम
काठमाडौं । एनएमबि बैंकले आ.व.२०७३/७४ को चौथो त्रैमासिकको एकिकृत वित्तिय विवरण प्रकाशित गरेको छ । उक्त वित्तीय विवरण अनुसार एनएमबि समुहले अघिल्लो आर्थिक वर्ष भन्दा खुद मुनाफा ३९.५ प्रतिशतले वृद्घि गरी रु. १ अर्ब ६१ करोड खुद मुनाफा हासिल गर्न सफल भएको छ ।
बैंकले आफ्नो संचालन मुनाफा ६० प्रतिशतले बृद्धि गरी यस आर्थिक वर्षमा रु. १ अर्ब ९८ करोड पुर्याएको छ । मुनाफाको मुख्य स्रोत गैर कोषमा आधारित आम्दानी र ट्रेजरी आम्दानी रहेको बैंले जनाएको छ । वित्तिय क्षेत्रमा देखिएको असहज बजार अवस्थामा पनि बैंकले हरेक त्रैमासिकमा लगातार सामान वित्तिय प्रदर्शन गरेको हो । बैंकको समिक्षा अवधिमा शेयरधनीको कोष ५५ प्रतिशतले बढेको बैंकद्वारा जारी विज्ञप्तिमा उल्लेख छ । जुन ६.९१ अर्वबाट रु १०.७३ अर्व पुगेको छ । एनएमबि बैंकको कर्जा रु ६२.६ अर्व रहेको छ । जुन बिगत आ.व.२०७२/७३ का तुलनामा १५.५ प्रतिशत बढेको छ । साथै बैंकको निक्षेप परिचालन १३ प्रतिशतले बृद्दि भई रु ७३.२ अर्व पुर्याएको हो ।
अन्य उपलब्धीहरु
एनएमबि बैंकले नेपाली बैकिङ्ग इतिहासमै सबै भन्दा ठुलो बैदेशिक लगानी एफएमओ — नेदरलेण्डस् मार्फत भित्राएर एफएमओको लगानी २० प्रतिशत पु¥याएको छ । बैंकले २०७३ साल फागुन महिनामा नवौं बार्षिक ग्लोबल एलायन्स फर बैकिंङ्ग अन् भ्यालुज (जिएबिभि) सम्मेलनको आयोजना नेपालमा गर्न सफल भएको छ । सम्मेलनको मूल नारा “क्जषतष्लन तजभ ँShifting the Financial Paradigm – Courage to Act Together” लाई आत्मसाथ गर्दै जिएबिभिका सदस्यहरुले मुनाफालाई मात्र जोड नदिई दिगो बैकिङ्ग प्रणाली अपनाई ग्राहक लगायत जनताहरुलाई सर्व सुलभ किसिमले वित्तिय प्रणालीको धारमा ल्याउने तर्फ पहल गरेको छ । बैंकले आ.ब २०७३÷७४ को अन्य सम्ममा ८० शाखा ४ ऐक्टेन्सन काउन्टर र ६८ वटा ऐटिएम सेवा बिस्तार गरेको छ, भने बैंकको दुईवटा सहायक कम्पनीहरु एनएमबि क्यापिटल तथा एनएमबि लघुवित्त वित्तिय संस्था रहेको छ । बैंकले संचालन गरेको एक घर एक खाता अभियानले बैकिङ्ग पहुँचबाट टाढा रहेको जनताहरुलाई वित्तीय साक्षरता मार्फत बैकिङ्ग प्रणालीमा समाबेश गराउन सफल भएको छ । बैंकले साना तथा मझौला ब्यबसाय वर्गलाई लक्षित गरि संचालन गरेको “Channel Financing Program” ले ब्यबसायको हरेक खण्डमा लगानी बिस्तार गर्दै वित्तिय सुबिधाहरु प्रदान गरेको छ ।
१९ साउन २०७४
वि.सं.२०७४ साउन १९ बिहीवार १८:५५ मा प्रकाशित