काठमाडौ । नेपाल धितोपत्र बोर्डले सेयरबजारलाई स्वच्छ र पारदर्शी बनाउन आफ्नै संचालक सदस्यलाई सेयरबजारमा कारोबार गर्न बन्देज लगाएको छ । बोर्डले बोर्ड सदस्यका लागि आचारसंहिता २०७४ लागू गर्दे बोर्डबाट अनुमतिपत्र प्राप्त संस्थाको संस्थापक शेयरमा समेत लगानी गर्न प्रतिबन्ध लगाएको छ ।
नेपाल धितोपत्र बोर्डले विज्ञप्तीमार्फत बोर्ड सदस्यहरुका लागि आचार संहिता लागू गरेको जनाएको छ । समग्र पुँजी बजारमा सुशासन कायम गर्न आचार संहिता जारी गर्नुपरेको बोर्डले जनाएको छ । संगठित संस्थाका लागि संस्थागत सुशासन सम्बन्धी निर्देशिका तयार गर्ने क्रममा रहेकाले नियमनकारी निकायका बोर्ड सदस्यहरु पनि सुशासित भएमात्र समग्र बजारमा सुशासन कायम गर्न सकिने मान्यतासहित बोर्ड सदस्यका लागि आचरण तथा व्यवहार तथा जिम्मेवारीसहितका विषयमा आचार संहिता जारी गरिएको हो । आचार संहितामा इमान्दारीता तथा गोपनीयता, वित्तीय अनुशासन, पदको दुरुपयोगका बारेमा स्पष्ट व्यवस्था गरिएको बोर्डले जनाएको छ ।
प्रकाशित मितिः २०७४ साउन २०
वि.सं.२०७४ साउन २० शुक्रवार १६:१६ मा प्रकाशित