back
NMB ad

तामाकोसीको आयोजनाबारे थप जान्नुहोस्

Kumari bank ad

माथिल्लो तामाकोसी जलविद्युत् आयोजनाको निर्माण ९४ प्रतिशत पूरा भएको छ । विगु गाउँपालिकाको लामाबगरमा निर्माण भइरहेको आयोजनाको काम अन्तिम चरणमा पुगेको छ ।

आयोजना निर्माण कार्य अन्तिम चरणमा पुगे पनि प्रगति अपेक्षाकृत हुन सकेको छैन । केही महिनाअघि मात्र तत्कालीन ऊर्जामन्त्री जनार्दन शर्माले आयोजनाको काम द्रुत गतिमा गर्न निर्देशन दिएका थिए । स्वदेशी लगानीमा निर्माण भइरहेको यो आयोजनाले लक्ष्यअनुसार प्रगति गर्न सकेको छैन ।

आर्थिक वर्ष २०७२/०७३ को अन्त्यसम्ममा ९४.६ प्रतिशत काम सम्पन्न गर्ने लक्ष्य आयोजनाले लिएको थियो । आयोजनाका प्रवक्ता गणेश न्यौपानेले हालसम्म ९० प्रतिशत मात्र काम सम्पन्न भएको जानकारी दिए ।

गएको वर्ष पनि भूकम्प र नाकाबन्दी कै कारण देखाएर आयोजनाको काम लक्ष्यअनुसार हुन नसकेको जनाएको थियो । आयोजनाले २०७२ साल वैशाख १२ गएको भूकम्प र त्यसपछिका अनगिन्ति पराकम्पन तथा भारतीय नाकाबन्दीले २०७२ सालको करिब पूरै अवधिमा आयोजनाको निर्माण कार्यमा प्रतिकूल असर परेको जनाएको छ ।

आयोजनाको काम ढिला हुनुमा यो वर्ष पनि भूकम्प र नाकाबन्दीलाई नै दोष दिइएको छ । मुख्य सुरुङको उत्तरीखण्ड र दक्षिणी खण्ड तथा माथिल्लो पेनस्टक स्याफ्टमा कमजोर चट्टान आउँदा लक्ष्यअनुसार प्रगति हुन नसकेको दाबी आयोजनाको छ । यस्तै सिन्धुपाल्चोक जिल्लाको खाडीचौरदेखि चरिकोटसम्म सडक सुदृढीकरण कार्य निर्माणाधीन अवस्था रहकाले भारी वर्षाका कारणले गर्दा उक्त सडकमा ठूला भारी सामान पेनस्टक पाइप‚ सिमेन्ट ढुवानी गर्न धेरै कठिनाइ भएको बताइएको छ ।

आयोजनाको हाल माथिल्लो पेनस्टक स्याफ्टको पुछारबाट पाइलट होल खन्ने कार्य एक सय ८७ मिटर सम्पन्न भएपछि कमजोर चट्टान भेटिई स्थगित भएको डाउन द होल प्रविधिबाट २०७३ चैत २९ गतेदेखि सुरु भएको जनाएको छ । यस्तै मुख्य सुरुङ र माथिल्लो पेनस्टक स्याफ्टमा कमजोर चट्टान आएको हुँदा सोका लागि सपोट वर्क गर्दै सुरुङ खन्ने कार्यलाई निरन्तरता दिइएको छ ।
आयोजनाको लागि आवश्यक निर्माण सामग्री लामोसाँघु–चरिकोट खण्डबाट ढुवानी गर्न कठिनाइ भएकाले वैकल्पिक रूपमा खुर्कोट र खिम्ती हुँदै आयोजना स्थलसम्म ढुवानी गरिएको छ । ठूला उपकरण तथा पेनस्टक पाइप सुनकोसी विद्युत्गृहमा भण्डारण गरिएको आयोजनाका प्रवक्ता न्यौपानेले जानकारी दिए ।

यसैगरी हालसम्म हेडवक्र्स कंक्रिट कार्य ८९.५५ प्रतिशत, मुख्य सुरुङ खन्ने कार्य ९३.०५ प्रतिशत, टेलरेस सुरुङ खन्ने कार्य १००.०५ प्रतिशत, अडिटलगायत अन्य सुरुङ खन्ने कार्य ८५.३५ प्रतिशत सम्पन्न भइसकेको छ । विद्युत्गृह र ट्रान्स्फर्मर क्याभर्न खन्ने कार्य १००.०५ प्रतिशत र विद्युत्गृह र ट्रान्सफर्मर क्याभर्न कंक्रिट कार्य ८३.८५ प्रतिशत सम्पन्न भएको छ । अन्नपूर्ण पोस्ट्बाट

वि.सं.२०७४ साउन २२ आइतवार १७:४६ मा प्रकाशित

You can share this post!

पुल अलपत्र बनाउने निर्माण कम्पनी कालोसूचीमा   

पुल अलपत्र बनाउने निर्माण कम्पनी कालोसूचीमा   

वि.सं.२०८० चैत १५ बिहीवार २१:२७

म्याग्दी, १५ चैत : मुस्ताङको थासाङ गाउँपालिकाको कैकु र लार्जुङखोलाको...

सरकारले तोक्यो चैते धानको मूल्य   

सरकारले तोक्यो चैते धानको मूल्य   

वि.सं.२०८० चैत १५ बिहीवार २१:२३

काठमाडौँ, १५ चैत : सरकारले चैते धानको समर्थन मूल्य तोकेको...

करका दरमा एकरुपता कायम गर्न अध्ययन गर्ने सरकारको तयारी   

करका दरमा एकरुपता कायम गर्न अध्ययन गर्ने सरकारको तयारी   

वि.सं.२०८० चैत १५ बिहीवार २१:१९

काठमाडौँ, १५ चैत : सरकारले करको दरमा एकरुपता कायम गर्नका...

होटललाई उद्योगको मान्यता दिन व्यवसायीको माग   

होटललाई उद्योगको मान्यता दिन व्यवसायीको माग   

वि.सं.२०८० चैत १५ बिहीवार २१:१३

काठमाडौँ, १५ चैत : उद्योगी व्यवसायीले होटल क्षेत्रलाई उद्योगसरह कानुनी...

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

वि.सं.२०८० चैत १५ बिहीवार २१:०८

काठमाडौँ, १५ चैत : अख्तियार दुरुपयोग अनुसन्धान आयोगले नेपाल दूरसञ्चार...

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...