कालिकोट । जिल्लाको मान्म खाँडाचक्र नगरपालि–४ स्थित साबिकको दाहाँ गाउँ विकास समितिमा बिहानी खोलामा डोजर दुर्घटना हुँदा चालकसहित २ जनाको मृत्यु भएको छ ।
कालिकोट सदरमुकामदेखि जुम्लातर्फ गइरहेको डिभिजन कार्यालय जुम्लाको (वानटेष्ट) डोजर दुर्घटना हुँदा खाँडाचक्र नगरपालिका–६ का बिष्णुबहादुर शाही र सुर्खेत भेरिगंगा नगरपालिका छिन्चुका तुलराज धौलाकोटिको मृत्यु भएको छ ।
डोजरमै रहेका डिभिजन सडक कार्यालय जुम्लाका सुपरभाईजर छत्रबहादुर बंम गम्भीर घाइते भएको प्रहरीले जानकारी दिएको छ ।
घाइते बमको उपचारका लागि नेपाली सेनाको हेलिकप्टर मार्फत बाँकेको नेपालगन्ज ल्याइएको छ ।अनलाइन खबरबाट ।
प्रकाशित मितिः २०७४ साउन २२
वि.सं.२०७४ साउन २२ आइतवार २३:४५ मा प्रकाशित