काठमाडौ । समिट माईक्रोफाईनान्स डेभलपमेन्ट बैंकले सेयरधनीलाई शतप्रतिशत अर्थात् १ः१ अनुपातमा हकप्रद सेयर दिने भएका छन् । बैंकको उक्त प्रस्तावलाई धितोपत्र बोर्डले साउन २३ गते अनुमति प्रदान गरेको छ ।
बैंकले १०० रुपैंया अंकित ७ लाख २५ हजार कित्ता अर्थात् ७२ करो २५ लाख रुपैंया बराबरको हकप्रद निष्काशन गर्ने भएको हो । यस हकप्रदको निष्काशन तथा बिक्री प्रबन्धकको काम सानिमा क्यापिटल लिमिटेडले गर्नेछ ।
यस्तै एक्सल डेभलपमेन्ट बैंकले सेयरधनीलाई ५० प्रतिशत अर्था २ः१ अनुपातमा हकप्रद सेयर दिने भएको छ । बैंकले हकप्रद निष्काशन गर्नेसम्बन्धी अनुमति साउन २३ गते नै पाएको छ । धितोपत्रले उक्त अनुमति प्रदान गरेको हो ।
बैंकले १०० रुपैंया अंकित १९ लाख २२ हजार ८१२.५० कित्ता अर्थात् १९ करोड २२ लाख ८१ हजार रुपैंया बराबरको हकप्रद निष्काशन गर्ने भएको छ ।
बैंकको हकप्रदको बिक्री प्रबन्धकको काम एस क्यापिटल लिमिटेडले गर्दैछ ।
प्रकाशित मितिः २०७४ साउन २४
वि.सं.२०७४ साउन २४ मंगलवार ११:५२ मा प्रकाशित
