मिति ख्याल गर्नुहोस्,हाईड्रोपावरको १ अर्ब भन्दा बढिको सेयर आजबाट खुल्यो !

काठमाडौ । सानिमा माई हाइड्रोपावरको १०० प्रतिशत हकप्रद सेयर शुक्रबारदेखि बिक्री खुला भएको छ। सानिमाले १ः१ अनुपातमा प्रतिकित्ता १०० रुपैयाँ दरको १ करोड ५ लाख ५० हजार कित्ता अर्थात् १ अर्ब ५ करोड रुपैंयाको हकप्रद सेयर निष्काशन गरेको हो ।

कम्पनीले भदौ २९ गतेसम्म हकप्रद भर्न सकिने सुविधा दिएको छ । साउन ९ गतेसम्म कायम सेयरधनीले उक्त सेयरमा आवेदन दिन सक्नेछन् ।

लगानीकर्ताले बिक्री प्रबन्धक सनराइज क्यापिटलबाट दरखास्त फारम भर्न र बुझाउन सक्नेछन् । यसैगरी, सानिमा बैंकको उपत्यका भित्रका चुच्चेपाटी, कलंकी, कुमारीपाटी, न्यूरोड र सूर्यविनायक शाखा तथा उपत्यका बाहिर विराटनगर, वीरगन्ज, बिर्तामोड, दमक, धरान, लहान, नारायणगढ, नेपालगन्ज र पोखरा शाखाबाट पनि फारम भर्न र बुझाउन पाइनेछ ।

लगानीकर्ताले हकप्रद सेयरको दरखास्त फारम बिक्री प्रबन्धक सनराइज क्यापिटल र सानिमा माई हाइड्रोपावरको वेबसाइटबाट डाउनलोड गरेर पनि भर्न सक्नेछन् ।

हाल सानिमा माईको चुक्ता पुँजी १ अर्ब ५ करोड ५० लाख रुपैयाँ छ । १०० प्रतिशत हकप्रद बिक्री गरिसकेपछि कम्पनीको चुक्ता पुँजी २ अर्ब ११ करोड रुपैयाँ पुग्नेछ ।

प्रकाशित मितिः २०७४ साउन २७

२०७४ साउन २७ गते १३:५८ मा प्रकाशित

You can share this post!

फुटबलः नेपाली टोली जापान जाँदै,जापानका ५ वटा क्लबसँग खेल्ने

परिक्षाफल प्रकाशित ! हेर्नुहोस् नतिजा

Related posts