काठमाडौं । अविरल वर्षाका कारण हाल तराई डुबानमा परेको छ । पूर्वका झापा, मोरङ, सुनसरी र सप्तरीको आधा भाग नै डुबानमा परेको छ ।
पूर्व क्षेत्रीय प्रहरी प्रमुख डीआईजी रमेशकुमार भट्टराईका अनुसार झापा, मोरङ, सुनसरी र सप्तरीलगाएतका तराई बेगमा बाढीका कारण हाल सम्म ३ दर्जन भन्दा बढीको मृत्यु भइसकेको छ भने , १५ भन्दा बढी बेपत्ता छन् । डुबेर तथा बाढीले बगाएर हालसम्म १७ जनाको मृत्यु भइसकेको छ । अन्य १५ जना बेपत्ता छन् ।
विराटनगर विमानस्थल जलमग्न छ । कोशी ब्यारेजमा पानीको सतह पौने ३ लाख क्युसेक पुगेको छ । ब्यारेजमा रातो बत्ती बलि रहेको छ । उक्त ब्यारेजको क्षमता पाँच लाख क्युसेकरहेको छ ।
प्रभावित क्षेत्रमा विद्युत अवरुद्ध छ । ल्यान्डलाइन र मोबाइल सेवा पनि अवरुद्ध छन् । नेपाल टेलिकमकी प्रवक्ता प्रतिभा वैद्यका अनुसार इटहरीस्थित एक्स्चेन्जका ब्याट्रीहरू डुबानमा परेका कारण ल्यान्डलाइन र मोबाइल सेवा अवरुद्ध हुन पुगेको हो । अहिले दुवै सेवा खुलाउने प्रयास भइरहेको तर ल्यान्डलाइनबाट मोबाइलमा सम्पर्क हुने ‘इन्टर लिंक’मा अझै समस्या रहेको भएपनि ‘खुलाउने प्रयास जारी रहेको वैद्यको भनाई छ ।
प्रकाशित मितिः २०७४ साउन २९
वि.सं.२०७४ साउन २९ आइतवार १२:५७ मा प्रकाशित
