काठमाडौ । अल्पाइन डेभलपमेन्ट बैंकको आज (आइतबार) ६९.३३ प्रतिशत हकप्रद सेयर बिक्री बन्द हुँदैछ । आइतबार कार्यालय समयसम्म मात्र हकप्रदमा आवेदन दिन सकिनेछ ।
बैंकले असार २५ गतेदेखि ३ः२.०८ अनुपातमा १०० रुपैयाँ दरको १८ लाख ३ हजार २४७ कित्ता सेयर बिक्री खुला गरेको हो । जेठ २० गतेसम्म कायम रहेका सेयरधनीले मात्र यसमा आवेदन दिन सक्नेछन् ।
लगानीकर्ताले अल्पाइन डेभलपमेन्ट बैंकको मुख्य कार्यालय हेटौडा –४, मेनरोड मकवानपुर तथा साँगा काभे्रपलान्चोक र नारायणगढ चितवन शाखाबाट आवेदन दिन सकिने छ । त्यस्तै एनएमबि बैंकको उपत्यका भित्रका शाखा कार्यालयहरु सितापाइला, कलंकी, चावहिल, बसुन्धारा, कुमारीपाटी र सूर्यविनायकबाट आवेदन दिन सकिनेछ ।
यसैगरी, उपत्यका बाहिर बनेपा, बुटवल, धरान, विराटनगर, नेपालगञ्ज, धनगढी, पोखरा, विरगञ्ज, जनकपुर, नारायणगढ चितवन र विर्तामोड शाखाबाट पनि आवेदन दिन सकिनेछ । एनएमबि क्यापिटल नागपोखरी काठमाडौंबाट भने फारम वितरण र रकम बुझ्ने व्यवस्था छैन । अल्पाइनको बिक्री प्रबन्धक एनएमबि क्यापिटल लिमिटेड हो । अल्पाइनलाई सेन्चुरी बैंकले एक्वायर गर्ने प्रकृयामा छ ।
प्रकाशित मितिः २०७४ साउन २९
वि.सं.२०७४ साउन २९ आइतवार १२:५३ मा प्रकाशित