काठमाडौ । सप्तकोशी डेभलपमेन्ट बैंकले १३० प्रतिशत हकप्रद सेयर भर्ने समय थप गरेको छ । अब सेयरधनीले उक्त हकप्रदमा अब भदौ ९ गतेसम्म आवेदन दिन पाइनेछन् ।
पछिल्लो केही दिनयता लगातार रुपमा परेको अविरल वर्षाका कारण मुलुकभरको जनजीवन अस्तव्यस्त बन्न पुगेको भन्दै सेयरधनीहरुको विशेष अनुरोधमा हकप्रद भर्ने म्याद थपिएको बैंकले जनाएको छ ।
यसअघि बैंकले असार ३० गतेदेखि बिहीबार देखि भदौ १ गते सम्म १३० प्रतिशत हकप्रद सेयर बिक्री खुला गरेको थियो । सप्तकोशीले १ः१.३ अनुपातमा (प्रत्येक १ कित्ता बराबर थप १.३ कित्ता) १०० रुपैयाँ अंकित मूल्यको २७ लाख ४३ हजार कित्ता सेयर बिक्री खुला गरेको हो । सप्तकोशीको उक्त हकप्रदमा असार १३ गतेसम्म कायम सेयरधनीले मात्र आवेदन दिन सक्नेछन् ।
सप्तकोशी डेभलपमेन्ट बैंकको मुख्य कार्यालय विराटनगर तथा यसका अधिकांश शाखा कार्यालय र एनएमबि क्यापिटल लिमिटेड नागपोखरी काठमाडौंबाट पनि यसमा आवेदन दिन सकिनेछ । त्यसैगरी, एनएमबि बैंकको देशभरका अधिकांश शाखा कार्यालयबाट पनि हकप्रदमा आवेदन दिन सकिनेछ । एनएमबि क्यापिटलबाट भने चेकमात्र बुझिलिने ब्यवस्था छ । सप्तकोशीको बिक्री प्रबन्धक एनएमबि क्यापिटल लिमिटेड रहेको छ ।
प्रकाशित मितिः २०७४ साउन ३२
वि.सं.२०७४ साउन ३२ बुधवार ११:५४ मा प्रकाशित