काठमाडौ । टुरिजम् डेभलपमेन्ट बैंक लिमिटेडले आर्थिक बर्ष २०७३/७४ को चौथो त्रैमासिक वित्तिय विवरण प्रकाशित गरेको छ । बैंकले उक्त आ.व.मा रु. ३१ करोड ९१ लाख खुद मुनाफा कमाउन सफ्mल भएको छ जुन अघिल्लो आर्थिक बर्षको रु. १९ करोड ८ लाख खुद मुनाफाको तुलनामा ६७.२१% ले वृद्वि गरेको जनाएको छ ।
बैंकले यस अवधिमा निक्षेप तर्फ अघिल्लो आर्थिक बर्षको रु. ८ अरब २६ करोडको तुलनामा ४८.५४% वृद्वि हासिल गर्दै करिब रु. १२ अरब २८ करोड संकलन गरेको छ साथै खुद कर्जा लगानी तर्फ अघिल्लो आर्थिक बर्षको रु. ६ अरब ८९ लाखको तुलनामा ५७.४३% वृद्वि गर्दै करिब रु. १० अरब ८५ करोड रुपैया पुर्याएको जनाएको छ । आ.व २०७२÷७३ को प्रस्तावित बोनश शेयर समेत गरी बैंकको हालको चुक्ता पुंजी रु २ अरब रहेको छ ।
हाल बैंकले देशभरिका २९ वटा शाखा, १ एक्सटेन्सन काउन्टर तथा १३ वटा एटिएम मार्पmत ग्राहकहरुलाई सेवा प्रदान गरिरहेको छ । बैंकले निकट भविष्यमा देशका विभिन्न स्थानहरुमा थप नयां ८ वटा शाखा तथा ५ वटा एक्सटेन्सन काउन्टर थप्दै, यस आर्थिक बर्षको अन्त्यसम्ममा कुल ३७ वटा शाखा तथा ६ वटा एक्सटेन्सन काउन्टर मार्फत आफ्नो सेवा विस्तार गर्ने लक्ष्य लिएको छ ।
प्रकाशित मितिः २०७४ साउन ३२
वि.सं.२०७४ साउन ३२ बुधवार १३:३५ मा प्रकाशित