काठमाडौं । संखुवासभा पाँचखपनका बोनम्यारो क्यान्सरबाट पीडित गजेन्द्र कठेतलाई संखुवासभा समाज, हङकङले आर्थिक सहयोग गरेको छ । नेपाल आर्मीमा कार्यरत कठेतलाई बोनम्यारो ट्रान्सप्लान्ट गर्नका लागि समाजले ३ लाख ५० हजार रुपैयाँ आर्थिक सहयोग गरेको हो ।
लामो समयदेखि बिरामी रहेका कठेतलाई बोनम्यारो प्रत्यारोपणका लागि १६ लाख रुपैयाँ चाहिने हुँदा उनले सहयोगको अपील गरेका थिए ।
संखुवासभा काठमाडौं जर्नालिष्ट एशोसिएशन (एसकाज)को समन्वयमा बिहीबार एक कार्यक्रमबीच बिरामी कठेतलाई उक्त रकम संखुवासभा समाज हङकङका सचिव लिलाबहादुर गुरुङ र एसकाजका अध्यक्ष हेमन्त गौतमले संयुक्तरुपमा हस्तान्तरण गरेका छन् ।
प्रकाशित मितिः२०७४ भदौ ३
वि.सं.२०७४ भदौ ३ शनिवार ०९:४४ मा प्रकाशित