काठमाडौ । नाडा अटोमोबाइल्स् एशोसियशन अफ नेपालले यही भदौ १३ गतेदेखि काठमाडौमा नाडा अटो शो को १२ औं संस्करण आयोजना गर्ने भएको छ । नाडाले राजधानीमा पत्रकार सम्मेलन गरेर भदौ १३ गतेदेखि १८ गतेसम्म भृकुटीमण्डपमा अटो शो गर्ने जानकारी दिएको हो ।
अटो शोमा १६ वटा ब्राण्डका चार पाङ्ग्रे तथा १९ ब्राण्डका दुई पाङ्गे सवारी साधन तथा ६ ब्राण्डका हेभि कमर्शियल सवारी साधन राखिने छन् । सवारी साधनको प्रदर्शनीमा बैंक तथा वित्तीय संस्था, सवारी सुरक्षा प्रविधि, स्पेयर पार्टस् र लुब्रिकेण्टस्का पनि स्टल राखिने आयोजकले जनाएको छ ।
करिव १ सय ३० वटा स्टल रहने प्रदर्शनी ५० हजार दर्शकले अवलोकन गर्ने नाडाको अनुमान रहेको छ । प्रदर्शनीमा वित्तीय संस्था, नयाँ प्राविधिक विकास, सवारी सुरक्षा प्रविधि, स्पेयर पार्टस्, लुब्रिकेन्टस, टायर, ग्यारेज उपकरण, व्याट्री तथा अन्य एसेसरिजहरु रहनेछन् ।
आयोजकले मेलाबाट संकलित रकममध्ये ५ लाख बाढिपहिरो पीडितका लागि प्रधानमन्त्री दैवी उद्धार कोषमा जम्मा गरिने जनाएको छ ।
प्रकाशित मितिः २०७४ भदौ ५
वि.सं.२०७४ भदौ ५ सोमवार १३:०२ मा प्रकाशित
