काठमाडौ । माछापुच्छ्रे बैंकको १२५ हकप्रद सेयर भर्ने बुधबार (आज) अन्तिम दिन हो । यसआधारमा बुधबार कार्यालय समयसम्म मात्र यो हकप्रदमा आवेदन दिन सकिनेछ ।
बैंकले साउन ५ गतेदेखि १०० रुपैयाँ अंकित मूल्यको १०ः१.२ को अनुपातमा ७९ लाख १८ हजार ४४० कित्ता सेयर बिक्री खुला गरेको हो । माछापुच्छ्रे बैंकको यो हकप्रद सेयरमा जेठ १५ गतेसम्म कायम रहेका सेयरधनीले आवेदन दिन सक्नेछन् ।
एनएमबी क्यापिटल लिमिटेड नागपोखरी काठमाडौंबाट हकप्रदमा आवेदन दिन सकिनेछ । यसैगरी, माछापुच्छ्रे बैंकको अधिकांश शाखा कार्यालयबाट पनि आवेदन दिन पाउने व्यवस्था छ । यसको बिक्री प्रबन्धकको काम एनएमबी क्यापिटल लिमिटेडले गरेको हो ।
प्रकाशित मितिः २०७४ भदौ ७
वि.सं.२०७४ भदौ ७ बुधवार १२:०९ मा प्रकाशित
