back
NMB ad

यसपालीको दशैमा विगतको भन्दा कम परिणाममा खसिबोका काठमाडौ भित्र्यार्ईदै !

Kumari bank ad

काठमाडौ। यस वर्षको दसैंमा सरकारी र निजीक्षेत्रले ३९ हजार खसीबोका एवं च्याङ्ग्रा बिक्री गर्ने तयारी गरेका छन्। निजीक्षेत्रले ३५ हजार खसीबोका र एक हजार पाँच सय च्याङ्ग्रा खरिद गर्न लागेको छ।

नेपाल खाद्य संस्थानले भने एक हजार पाँच सय खसीबोका र एक हजार च्याङ्ग्रा बिक्री गर्ने योजना तयार पारेको छ। अन्य वर्षको तुलनामा यो वर्ष दसैंमा ६ हजार कम परिमाणमा खसीबोका बजारमा भित्र्याइँदै छ। भारत एवं नेपालका अधिकांश क्षेत्रमा बाढी आएको र बाटोसमेत भत्किएकाले थोरै परिमाणमा खसीबोका संकलन हुने भएको छ। दसैंमा भारतीय र स्वदेशी गरी करिब ५६ करोड रुपैयाँबराबरको करिब ४५ हजार गोटा खसीबोकाको कारोबार हुन्छ।

संस्थानले यो वर्ष हेटौँडा र तुलसीपुरबाट मात्रै स्थानीय जातका खसीबोका खरिद गर्न लागेको खाद्य संस्थानका प्रवक्ता शंकर सापकोटाले जानकारी दिए। हेटौंडा र तुलसीपुरस्थित संस्थानको कार्यालयमार्फत एक हजार पाँच सय खसीबोका खरिद गर्ने प्रक्रिया सुरु भएको छ। यस्तै मुस्ताङबाट एक हजार गोटा च्याङ्ग्रा पनि खरिद योजना अघि बढाइएको छ।

‘बाढी र असोजमा हुने भनिएको स्थानीय तहको निर्वाचनका कारण यसपटक तराईका जिल्लामा खसीबोका खरिद नगर्ने निर्णय गरेका छौुं, सापकोटाले भने। यो वर्ष लाहान, नेपालगन्ज र सुर्खेतमा खसीबोका खरिद नगर्ने संस्थानले जनाएको छ। संस्थान र निजीक्षेत्रले भित्र्याउने खसीबोका र च्याङ्ग्राको मूल्य निर्धारण गरी घटस्थापनाको एक दिनअघिबाट बिक्री गर्न गरिनेछ।

चौपाया खरिदबिक्री सेवा संघका अनुसार यो वर्ष निजीक्षेत्रले भारतकोे लखनऊ, बहराइच, काल्पी, जसविरनगर, कानपुर र हरियाणालगायत स्थानबाट लाम्काने र जमुनापारी जातका ३० हजार खसीबोका भित्र्याउन लागेको छ। यस्तै आन्तरिक सल्यान, कोहलपुर, कटारी, सुर्खेत, नुवाकोट, सिन्धुपाल्चोकबाट पाँच हजारको संख्यामा खरी (पहाडी) जातको खसीबोका भित्र्याउँदै छ। निजीक्षेत्रले मुस्ताङबाट एक हजार पाँच सय सयको संख्यामा च्याङ्ग्रा पनि खरिद गरी बजारमा ल्याउँदै छ।

‘हामीले तीज सकेपछि खसीबोका राजधानीमा ल्याउँछौं, खसीबोका खरिद गर्न आन्तरिक र बाह्य बजारमा व्यवसायी परिचालन गरिसकेका छौ’, संघका अध्यक्ष दीपक थापाले भने, ‘स्वादिलो स्वदेशी खसीबोका भए पनि बाढीका कारण आन्तरिक सडक भत्किएकाले ढुवानी समस्याका कारण कुल खपतको ९० प्रतिशत भारतबाटै आयात गर्नुपर्ने बाध्यता छ।’

संघका अनुसार अहिले भारतबाट पाँच दिन लगाएर राजधानीमा खसीबोका भित्र्याउनुपरेको छ। भारतमा पाँच सय प्रतिकिलोमा खरिद गरी राजधानीमा उक्त खसी प्रतिकिलो पाँच सय १० रुपैयाँमा संघले स्थानीय बिक्रेतालाई बेच्दै आएको छ। ‘तर दसैंमा यही मूल्यमा खसीबोका उपलब्ध नहुन सक्छु, थापाले भने, ‘हामीले ल्याउने भारतीय क्षेत्रमा पनि बाढीले क्षति गरेको छ। उताको बाटो पनि भत्केको छ। लागत र ढुवानी खर्च बढेकाले यो वर्ष खसीबोकाको मूल्य केही महँगो हुन सक्छ।’

स्वदेशमा उत्पादित खसीबोका प्रतिकिलो चार सय ६० देखि चार सय ७० रुपैयाँमा खरिद गरी चार सय ७० देखि चार सय ८० रुपैयाँ प्रतिकिलोका दरले संस्थानले अर्को बिक्रेतालाई बिक्री गर्छ। सामान्य दिनमा उपत्यकामा दैनिक आठ सयदेखि एक हजार गोटासम्म खसीबोका भित्रिने गरेको छ। तर दसैंमा दैनिक तीन हजारको संख्यामा खसीबोका खपत हुन्छन्।

पशुसेवा विभागका अनुसार सप्तमीदेखि प्रतिव्यक्तिको उपभोगदर दैनिक २८ ग्रामबाट बढेर औसत दुई सय १२ ग्राम पुग्ने गर्छ। नेपालमा हाल प्रतिव्यक्ति प्रतिवर्ष १२.२० किलो मासु खपत हुन्छ। सरकारले नयाँ मापदण्ड बनाउँदा प्रतिव्यक्ति खपत १४ किलो प्रतिवर्ष पुर्‍याउने लक्ष्य राखेको छ। विश्व स्वास्थ्य संगठनले मानव स्वास्थ्यका लागि प्रतिव्यक्ति ३७.९ किलो मासु प्रतिवर्ष खपत गर्नुपर्ने मापदण्ड निर्धारण गरेको छ।

वार्षिक १५ अर्बको कारोबार

चौपाया खरिदबिक्री सेवा संघका अनुसार उपत्यकामा खसीबोकाको वार्षिक कारोबार १५ अर्ब रुपैयाँबराबरको हुने गरेको छ। यसमध्ये १० अर्बको भारतबाट आयातित र पाँच अर्बको स्वदेशी खसीबोकाको कारोबार हुन्छ। नेपालमा पनि पर्याप्त परिमाणमा उत्पादन खसीबोका उत्पादन भए पनि बाटो र ढुवानी समस्याका कारण बजारमा ल्याउन नसकिएको संघका अध्यक्ष थापाले जानकारी दिए।

दसैंमा मात्रै ५० करोड रुपैयाँबराबरको भारतबाट आयात गरिएको खसीबोका र चार करोड रुपैयाँबराबरको स्वदेशी खसीबोकाको खरिदबिक्री हुन्छ। ‘सामान्य दिनभन्दा दसैंमा मासुको बिक्री भन्डै १० गुणाले बढीले हुन्छु, थापाले भने। यो अवधिमा उपत्यकामा मात्रै १२ लाख किलो खसीबोकाको मासु खपत हुन्छ।

पशुसेवा विभागका महानिर्देशक डा। विमल निर्मलका अनुसार स्वदेशमा वार्षिक रूपमा एक करोड २० लाख गोटा खरी ९पहाडी०, जमुनापारी र बोयर जातको खसीबोका उत्पादन हुन्छ। यसमध्ये ४० लाख गोटा दसैं र ५० लाख गोटा बर्षभरी खपत हुन्छ। ‘स्वदेशमा उत्पादन हुने खसीबोकामध्ये अधिकांश हिस्सा स्थानीयस्तरमै खपत हुन्छ,’ महानिर्देशक निर्मलले भने, ‘उपत्यकामा निकै कम परिमाणमा खपत हुन्छ।’न्यूजएग्रोबाट

प्रकाशित मितिः २०७४ भदौ ८

वि.सं.२०७४ भदौ ८ बिहीवार १४:१४ मा प्रकाशित

You can share this post!

भाग्यले ठगेको दिन सम्झन चाहन्नन् ऋषि  

भाग्यले ठगेको दिन सम्झन चाहन्नन् ऋषि  

वि.सं.२०८१ वैशाख १४ शुक्रवार ११:४५

प्रेमनारायण आचार्य अर्घाखाँची, १४ वैशाख : नौ वर्षअघिको कहालीलाग्दो घटना...

मुुग्लिन–पोखरा सडकका चार ठाउँमा ‘प्रिकाष्ट’ प्रविधि प्रयोग गरेर पुल बनाइँदै   

मुुग्लिन–पोखरा सडकका चार ठाउँमा ‘प्रिकाष्ट’ प्रविधि प्रयोग गरेर पुल बनाइँदै   

वि.सं.२०८१ वैशाख १४ शुक्रवार १०:५९

गण्डकी, १४ वैशाखः निर्माणाधीन मुग्लिन–पोखरा सडकअन्तर्गत पश्चिम खण्डका चार ठाउँमा...

बढ्यो सुनको भाउ, कतिमा हुँदैछ कारोबार ?

बढ्यो सुनको भाउ, कतिमा हुँदैछ कारोबार ?

वि.सं.२०८१ वैशाख १४ शुक्रवार १०:४७

काठमाडौं । साताको अन्तिम कारोबार दिन सुनको भाउमा वृद्धि भएको...

ज्योति क्यापिटलको स्वतन्त्र सञ्चालकमा प्रा.डा. ध्रुव कुमार गौतम र सि.ए मन्दिप वशिष्ठ नियुक्त

ज्योति क्यापिटलको स्वतन्त्र सञ्चालकमा प्रा.डा. ध्रुव कुमार गौतम र सि.ए मन्दिप वशिष्ठ नियुक्त

वि.सं.२०८१ वैशाख १४ शुक्रवार १०:३१

काठमाडौं । ज्योति क्यापिटलले प्रा.डा. ध्रुव कुमार गौतम र सि.ए....

दुग्ध विकास संस्थानद्वारा किसानलाई ४८ करोड भुक्तानी   

दुग्ध विकास संस्थानद्वारा किसानलाई ४८ करोड भुक्तानी   

वि.सं.२०८१ वैशाख १४ शुक्रवार १०:१८

काठमाडौँ, १४ वैशाख : दुग्ध विकास संस्थान (डिडिसी)ले किसानलाई रु...

लगानी सम्मेलनमा एक सय ५१ परियोजना प्रस्तुत गरिँदै, कुन क्षेत्रका कति ?    

लगानी सम्मेलनमा एक सय ५१ परियोजना प्रस्तुत गरिँदै, कुन क्षेत्रका कति ?    

वि.सं.२०८१ वैशाख १४ शुक्रवार १०:१२

हेमन्त जोशी काठमाडौँ, १४ वैशाखः मुलुकमा प्रत्यक्ष वैदेशिक लगानी भित्र्याएर...