दाङ । नेपाल संस्कृत विश्वविद्यालयले एक साताभित्रै आयुर्वेद चिकित्सामा स्नातक तह (बिएएमएस) अध्ययन गर्ने विद्यार्थीलाई प्रयोगात्मक अभ्यासका लागि ओजेटी कक्षा सञ्चालन गर्ने भएको छ ।
विश्वविद्यालयको आयुर्वेदिक चिकित्सा अध्ययन विभागले आयुर्वेद क्षेत्रीय अस्पतालमा एक साताभित्र कक्षा सञ्चालन गर्ने तयारी अन्तिम चरणमा पुगेको छ ।
ओजेटी कक्षाका लागि भौतिक पूर्वाधारसँगै थप विशेषत्र चिकित्सकसमेत आउने अस्पताल विकास समितिले जनाएको छ । त्यसैगरी हेल्थ असिष्टेन्ट सहरज कविराज पढ्ने विद्यार्थी पनि उक्त प्रयोगात्मक कक्षा सहभागी हुन पाउनेछन् । त्यसका लागि विभागीय विकासको काम भइरहेको छ ।
यसअघि अस्पतालमा आवश्यक पर्ने सम्पूर्ण पूर्वाधार र विशेषज्ञ चिकित्सकको अभावका कारण नेपाल संस्कृत विश्ववविद्यालय अन्तर्गतको आयुर्वेद अध्ययन प्रतिष्ठानले आयुर्वेदिय चिकित्सा अध्ययन गर्ने विद्यार्थीलाई समेत एलोप्याथिक अस्पताल घोराही, घोराही उपक्षेत्रीय अस्पताल र तुलसीपुर अञ्चल अस्पतालमा ओजेटी गराउँदैं आएको थियो ।
प्रकाशित मितिः २०७४ भदौ ८
वि.सं.२०७४ भदौ ८ बिहीवार १४:४८ मा प्रकाशित