काठमाडौं। दशैंतिहारलार्इ लक्षित रेनो डबल उत्सव योजना बजारमा आएको छ । रेनल्टको नेपालको आधिकारिक वितरक एडभान्स अटोमोबिल कम्पनीले यस्तो योजना ल्याएको हो।
ग्राहकहरुलाई डबल फाईदा दिन कम्पनीले रेनो डबल उत्सव ‘क्यास पनि पक्का, फ्यूल पनि पक्का’ भन्ने नारासहित यस्तो योजना ल्याइएको बताएको छ ।
कम्पनीका अनुसार स्योर शट नगद पुरस्कार र एक वर्षको निशुल्क इन्धन उपलब्ध गराउनेछ। यो उत्सवमय अफरको रुपमा रेनो कार खरीद गर्ने ग्राहकहरुले सिधै ३ लाख सम्मको स्योर शट नगद छुट प्राप्त पाउने कम्पनीले जनायो।
कम्पनीले ग्राहकले यसका साथै स्क्र्याच कुपन मार्फत ३ लाख सम्म जित्न सक्ने बताएको छ । कम्पनीका अनुसार एक वर्षको सडक कर निशुल्क, स्पट फाइनान्सिंगको सुविधा, तत्काल मूल्यांकन, ५ वर्षको वारेण्टी र एक्सचेन्ज सुविधा पनि रहेको छ । यो अफर रेनोको लजी, डस्टर र क्विडको तीन वटै मोडलका कारहरुको खरिदमा उपलब्ध रहेको छ ।
प्रकाशित मितिः २०७४ भाद्र १४
वि.सं.२०७४ भदौ १४ बुधवार १०:५९ मा प्रकाशित
