काठमाडौ । निर्वाचन आयोगले हिमाली र उच्च पहाडी ३२ जिल्लामा मंसिर १० गते पहिलो चरणमा प्रदेशसभा र प्रतिनिधि सभाको चुनाव गर्ने निर्णय गरेको छ । सरकारले दुई चरणमा चुनाव गर्ने निर्णय गरेसँगै आयोगले पहिलो चरण र दोस्रो चरण मंसिर २१ गते चुनाव हुने जिल्ला विभाजन गरेको हो । दोस्रो चरणमा ४५ जिल्लामा चुनाव हुने आयोगका प्रवक्ता नवराज ढकालले जानकारी दिए ।
मंसिर १० गते पहिलो चरणमा चुनाव हुने ३२ जिल्ला
प्रदेश नं १– सोलुखुम्बु, संखुवासभा, भोजपुर, ओखलढुङ्गा, ताप्लेजुङ, पाँचथर र खोटाङ,
प्रदेश नं ३– नुवाकोट, रसुवा, धादिङ, सिन्धुपाल्चोक, दोलखा र रामेछाप,
प्रदेश नं ४– मुस्ताङ, म्याग्दी, बाग्लुङ, मनाङ, लमजुङ र गोरखा,
प्रदेश नं ५– रूकुम (पूर्वी भाग) र रोल्पा,
प्रदेश नं ६– रूकुम (पश्चिम भाग), जाजरकोट, हुम्ला, मुगु, जुम्ला, कालिकोट र डोल्पा,
प्रदेश नं। ७– दार्चुला, बझाङ, बाजुरा र बैतडी ।
मंसिर २१ गते दोस्रो चरणमा चुनाव हुने ४५ जिल्ला
प्रदेश नं १– इलाम, तेह्रथुम, धनकुटा, उदयपुर, झापा, मोरङ र सुनसरी,
प्रदेश नं २– सप्तरी, सिरहा, धनुषा, महोत्तरी, सर्लाही, बारा, पर्सा र रौतहट,
प्रदेश नं ३– सिन्धुली, मकवानपुर, चितवन, काभ्रेपलाञ्चोक, काठमाडौं, ललितपुर र भक्तपुर,
प्रदेश नं ४– नवलपरासी (बर्दघाट सुस्ता पूर्व) तनहुँ, कास्की, स्याङ्जा र पर्वत,
प्रदेश नं ५– नवलपरासी (बर्दघाट सुस्ता पश्चिम), पाल्पा, अर्घाखाँची, गुल्मी, रूपन्देही, कपिलवस्तु, दाङ, प्यूठान बाँके र बर्दिया,
प्रदेश नं ६– सल्यान, सुर्खेत र दैलेख,
प्रदेश नं. ७– कैलाली, कन्चनपुर, डडेल्धुरा, अछाम र डोटी
प्रकाशित मितिः २०७४ भदौ १६
वि.सं.२०७४ भदौ १६ शुक्रवार ०६:०७ मा प्रकाशित
