काठमाडौं । नेप्सेले एनआइसी एसिया बैंकको २० प्रतिशत बोनसमा मूल्य समायोजन गरेको छ । एनआइसी एसियाको २० प्रतिशत बोनस पछिको भाउ ३६८ रुपैयाँ कायम भएको छ । यसको औसत आधार मूल्य भने ४६५ रुपैयाँ हो ।
अब नेप्सेमा कारोबार खुल्दा एनआइसीको पहिलो कारोबार ३६८ रुपैयाँमा हुनेछ । एनआइसीले भदौ ३० गते हुने वार्षिक साधारण सभामा २० प्रतिशत बोनस र कर तिर्न १.०५५ नगद लाभांश दिने प्रस्ताव गर्न लगेको हो । यसका लागि बैंकले शुक्रबारदेखि बुक क्लोज गरेको छ ।
एनआइसी एसिया बैंकले गत आर्थिक वर्षमा १ अर्ब ४६ करोड ९६ लाख ७२ हजार रुपैयाँ खुद नाफा कमाएको छ । बैंकको प्रतिसेयर आम्दानी २२ रुपैयाँ र प्रतिसेयर नेटवर्थ १५२ रुपैयाँ १५ पैसा छ ।
प्रकाशित मितिः२०७४ भाद्र १६
वि.सं.२०७४ भदौ १६ शुक्रवार १७:३४ मा प्रकाशित